UYINMWE ỌGHE IMA NE IVBIOTU E KRISTI

Na Gha Kporhu Kevbe Na Gha Maa Emwa Emwi Keghi Re Odẹ Ne Kpataki Na Ya Ye Emwa Khian Erhuanegbe

Jesu keghi tama erhuanegbe ẹre wẹẹ, ne iran ya ye emwa khian erhuanegbe ọghe irẹn. (Mat 28:19) Ọna rhiema wẹẹ, te iran khian gha kporhu kevbe te iran khian gha maa emwa emwi. Ọ khẹke ne ima gha nọ egbe ima vbe ẹghẹ hia wẹẹ, ‘De vbene I khian ya gha mwẹ alaghodaro hẹ vbe odẹ ne I ya kporhu kevbe ne I ya maa emwa emwi?’

IKPORHU

Ne ima gha te ya zin egbe ne emwa bu ima rre, te ọ khẹke ne ima ya gualọ emwa ni gha “miẹn [ima] yi.” (Mat 10:11) Ma loo ẹkpotọ nọ rhirhi kie, ya gu ‘emwa ne ima rhirhi miẹn’ guan vbe ikporhu ra? (Iwinna 17:17) Ne Pọl ma na gi egbe ikporhu wọọ re, ẹre ọ zẹe ighẹ e Lidia do khian ọkpa vbe erhuanegbe Jesu.—Iwinna 16:13-15.

E Samuel rhie ebe iyẹn ọkpa ne Ezekiel; Solomon kevbe Mary kporhu ma Ezekiel kevbe Abigail — “Kọ emwi ruẹn vbe owiẹ, ota gha rre, vbe kọ” (Asan 11:6)

VBE A GHA GHI GHEE ẸRE FO NẸ IGHẸ NE VIDIO YE GHA KPORHU VBE “UGBUGBẸHIA”—ẸKPOTỌ NỌ RHIRHI KIE KEVBE KE OWA YA SẸ OWA, U GHI ZẸ EWANNIẸN YE AVBE INỌTA NA:

De vbene Samuẹl ya gha rhie ẹre ma vbe ẹdẹgbegbe wẹẹ, irẹn hoo ne irẹn gha kọ ikpẹ ọghe ẹmwata ye ekhọe emwa?
Vbọzẹe ne ọ na khẹke ne ima gha loo obẹlẹ hia na ya kporhu?
De emwa eso ne u gha sẹtin kporhu ma vbe ẹdẹgbegbe?

IMAMWAEMWI

Ma ghaa hoo ne ima ya emwa khian erhuanegbe, ẹi re ebe ọkpa ma khian wa gha viọ ne iran. Adeghẹ ima hoo ne iran rẹn Osanobua sayọ, te ima khian ye gha mu otuẹ gie iran, ma ghi vbe gha gu iran ruẹ e Baibol. (1 Kọr 3:6-9) Sokpan de emwi ne ima gha ru deghẹ a na miẹn wẹẹ, vbene ima hia sẹ, ọmwa ne ima maa re emwi i ye mwẹ alaghodaro? (Mat 13:19-22) Ma ghi ye gha gualọ emwa ni mwẹ ekhọe nọ yevbe “otọ nọ maan” emwiokọ.—Mat 13:23; Iwinna 13:48.

Solomon kevbe Mary keghi gu Ezekiel kevbe Abigail ruẹ e Baibol; Ezekiel kevbe Abigail rre ikporhu adesẹ orere — “Mẹ kọ emwiokọ, Apọlọs keghi gbe amẹ khakhae. Sokpan Osanobua ẹre ọ ru ẹre ne ọ na zọọ” (1 Kọr 3:6)

VBE A GHA GHI GHEE ẸRE FO NẸ IGHẸ NE VIDIO YE GHA KPORHU VBE “UGBUGBẸHIA”—IKPORHU ỌGHE ADESẸ ORERE KEVBE NA GHA YA EMWA KHIAN ERHUANEGBE JESU, U GHI ZẸ EWANNIẸN YE AVBE INỌTA NA:

De vbene Solomon kevbe Mary ya gbamẹ khakha ikpẹ ẹmwata nọ ghaa rre ekhọe ọghe Ezekiel kevbe Abigail hẹ?
Vbọ khẹke nọ gha re evbakọnrẹn ọghe ima zẹvbe ne ima ya mwẹ obọ vbe abọ ughughan ọghe iwinna ikporhu iyẹn nọ maan, ya sẹ egbe ikporhu ọghe adesẹ orere?
De vbene ima khian ya rhie aro tua re sayọ hẹ ighẹ na ya ẹmwata nọ rre uwu ẹmwẹ ọghe Osanobua maa emwa emwi?