EMWI EWE NI RRE UWU ẸMWẸ ỌGHE OSANOBUA | LUK 10-11
Erre Ọghe Ovbi E Sameria Nọ Mwẹ Ekhọe Esi
Te Jesu zẹ erre na ya rhie ewanniẹn ye inọta ne okpia ọkpa nọ rẹn, ne ọ na wẹẹ, “Gha ọre ogieva mwẹ?” (Luk 10:25-29) Jesu rẹnrẹn wẹẹ ‘emwa ughughan’ ẹre ọ khian gha rre uwu iko ọghe irẹn—ke ivbi e Sameria ya sẹ egbe ivbi e Gentile. (Jọn 12:32) Erre na keghi ya erhuanegbe Jesu rẹn wẹẹ, te iran gha hia vbe odẹ ke odẹ, ne iran gha rhie ahoẹmwọmwa ma emwa hia, uhiẹn ya sẹ egbe emwa ni lughaẹn ne iran.
NỌ EGBUẸ WẸẸ:
‘De aro ne I ya ghee etẹn nikpia kevbe etẹn nikhuo ni ke ẹvbo ọvbehe rre, ra ni zẹ urhuẹvbo ọvbehe?’
‘Etẹn ne I gu obọ re ọkpa, ẹre imẹ gu mu obọ ra?’
‘Mẹ gha sẹtin ya ekhọe hia miẹn iran yi ighẹ etẹn ni ke ehe ughughan rre, kevbe ne I vbe gu obọ iran ra?’ (2 Kọr 6:13)
De ọmwa ne I gha tie ne ọ . . .
deba mwẹ winna vbe ikporhu?
do rri evbare vbe owa mwẹ?
do deba ima vbe Iruẹmwi Ẹgbẹe ọghe ima?