Ban Akpa Nẹdẹ Mu Fua, Ne U Mu Ọghe Ọgbọn Yọ

3:5-14

Uwẹ ru afiwerriẹ nọkhua vbe arrọọ ọghuẹ, vbe ẹghẹ ne u ya miẹn odẹ ọghe ẹmwata na ra? Adeghẹ u ru vberriọ, gha mwẹ ilẹkẹtin wẹẹ, e Jehova gbọyẹmwẹ ye ẹrhiọn ne u loo ro. (Ẹzik 33:11) Sokpan na sẹtin ban akpa nẹdẹ mu fua, nẹ ghẹ mieke na dọlegbe gha rhiegbe ma, kevbe na sẹtin gha mu ọghe ọgbọn yọ i re iwinna ẹdẹ ọkpa. Avbe inọta ni rre ototọ mwa gha ru iyobọ nuẹn ya rẹn ako nọ khẹke ne u winna yan.

• Ọ mwẹ ọmwa ne I ye mu ohu ẹre, rhunmwuda emwi eso nọ ka ru mwẹ re vbe ẹghẹ nọ gberra ra?

• Mẹ rhiẹre ma wẹẹ, ọmwa nọ mwẹ izinegbe ẹre imẹ khin ra, uhiẹn vbe egbe gha wọọ mwẹ ra vbe emwi gha de ọghe ẹgiẹgiẹ ra?

• Iziro nọ dekaan alama oghẹ gha la mwẹ ekhọe, I rherhe rhiẹre hin ekhọe rre ra?

• I gha miẹn emwa ni ke ẹvbo ọvbehe rre, mẹ ya aro gbe iran re ra?

• Ọ mwẹ ọmwa ne I ya ohu gu guan, ra ne I ta ẹmwẹ ekpọ ma, vbe ọ ma he kpẹẹ gbe na ra?