‘Gha Zẹ Ediọn Ye Dọmwadẹ Iko’

Tit 1:5-9

E Pọl keghi tama e Taitọs wẹẹ, ne ọ ‘zẹ ediọn ye dọmwadẹ iko’ ne ọ mu okhian yo. Igiemwi na nọ rre Baibol ẹre ima lele vbe ẹdẹnẹrẹ, ọna ẹre ọ si ẹre ne a na miẹn wẹẹ, avbe ọgbaroghe ọghe otako ẹre ọ zẹ ediọn vbe dọmwadẹ iko ne iran mu okhian yo.

ẸBU NỌ SU

Zẹvbe nọ ghaa ye vbe orre nokaro, Ẹbu Nọ Su keghi mu iwinna ne kpataki ne avbe ọgbaroghe ọghe otako, ọni ọre ne iran gha zẹ ediọn kevbe eguọmwadia iwinna ye dọmwadẹ iko ne iran mu okhian yo.

AVBE ỌGBAROGHE ỌGHE OTAKO

A te miẹn wẹẹ ọgbaroghe ọghe otako kpasẹ yọ ne ọtẹn do gha ga zẹvbe ọdiọn ra ọguọmwadia iwinna vbuwe iko, ọ khẹke ne ọ ka mu ukpa mu uwerhẹn ghee emwi ne ediọn tae vbekpa ọtẹn nii, ọ ghi vbe na erhunmwu vbekpa ẹre.

ETẸN NI GA NẸ ZẸVBE EDIỌN

Ọ gha khọnrẹn wẹẹ, ọtẹn ga nẹ zẹvbe ọdiọn vbuwe iko, ọ khẹke ne ọ ye gha lele adia ne evbagbẹn nọhuanrẹn rhie ne emwa ni hoo ne iran gha re ọkpa vbe ediọn vbuwe iko.