UYINMWẸ ỌGHE IMA NE IVBIOTU E KRISTI
Iwinna Esi Nai Khian Sẹtin Mianmian
Eguọmwadia ọghe Jehova hia gha sẹtin rhiegbe ye iwinna ugamwẹ ọghe Osanobua. Vbene evbibiẹ emọ ni hoẹmwẹ ivbi iran i khian sẹtin mianmian emwi esi ne ivbi iran ru, e Jehova i khian mianmian emwi ne eguọmwadia re rhirhi ru vbe ugamwẹ ọghẹe, rhunmwuda ahoẹmwọmwa ne iran mwẹ ne irẹn. (Mat 6:20; Hib 6:10) Ẹmwata nọ rrọọ ọre wẹẹ, emwa hia i re ọkpa, isievẹn ughughan ẹre dọmwadẹ ọghẹe werriẹ aro daa. Sokpan, deghẹ ima na gha hia vbene ẹtin ima sẹ vbe ugamwẹ e Jehova, ọyẹnmwẹ ghi gha sẹ ima. (Gal 6:4; Kọl 3:23) Ke ẹghẹ gha dee, arriaisẹn arriaisẹn ọghe etẹn nikpia kevbe etẹn nikhuo ẹre ọ he rhiegbe ye iwinna e Bẹtẹl. Uwẹ gha sẹtin rhiegbe ladian, ne u ya ga vbe Bẹtẹl ra? Adeghẹ u i khian sẹtin ru vberriọ, hia ne u rhie igiọdu ne ọmwa ọvbehe ya ru vberriọ, u sẹtin vbe gha ru iyobọ ne etẹn ni ga vbe evba, ne egbe ghẹ mieke na wọọ iran.
VBE A GHA GHI GHEE ẸRE FO NẸ IGHẸ E VIDIO NỌ MWẸ UHUNMWUTA NỌ KHARE WẸẸ RHIEGBE RUẸ LADIAN NE U MIEKE NA SẸTIN GA VBE BẸTẸL, A GHI ZẸ EWANNIẸN YE AVBE INỌTA NA:
De emwi nọ khẹke nọ gua ọmwa kpa deghẹ ọ hoo ne ọ ya ga vbe Bẹtẹl?
De emwi ne etẹn eso he ta vbekpa afiangbe ne iran sọyẹnmwẹ ọnrẹn vbe Bẹtẹl?
De emwi na gualọ vbe obọ emwa ni hoo ne iran ga vbe Bẹtẹl?
De emwi nọ khẹke ne u ru, deghẹ u hoo ne u winna vbe Bẹtẹl?