UYINMWẸ ỌGHE IMA NE IVBIOTU E KRISTI
De Emwi Ne U Gha Ru Vbe Uyunmwu Gha Rre?
Ọ khẹke ne ima gha mwẹ amuẹtinyan kevbe ilẹkẹtin dae Jehova. Amuẹtinyan nọ wegbe ne ima mwẹ dae Jehova ẹre ọ ya ima mwẹ ilẹkẹtin wẹẹ ọ gha gbogba ga ima kevbe wẹẹ, ọ gha gbaroghe ima. (Psm 23:1, 4; 78:22) Zẹvbe ne ima ya bu ufomwẹ ọghe agbọn dan na, ọ khẹke ne ima gha mwẹ ọnrẹn vbe ekhọe wẹẹ, te ukpokpo ne ima khian gha miẹn vbe obọ e Setan khian gha tua sayọ. (Arhie 12:12) De emwi nọ khian ru iyobọ ne ima?
GHEE VIDIO NỌ MWẸ UHUNMWUTA NỌ KHARE WẸẸ DE EMWI NE U GHA RU VBE UYUNMWU GHA RRE? VBE IYEKE ỌNI, A GHI RHIE EWANNIẸN YE AVBE INỌTA NA:
De vbene ima ya khọ “erhan” na guan kaẹn vbe ebe Jerimaia 17:8?
De odẹ ne “uyunmwu” ya sẹ eke ne ima ye?
De emwi nọ sunu dae nene “erhan” kevbe wẹẹ, vbọzẹe nọ na gha ye vberriọ?
De emwi ne Setan hoo ne ọ mu rhia?
De vbene ima ya yevbe emwa ne okọ ẹhoho na la gua ẹre egbe ro?
Vbọzẹe nọ na khẹke ne ima gha mwẹ ilẹkẹtin daa ọviẹn nọ gia mu ẹtin yan kevbe nọ fuẹro? De emwi eso nọ gha sẹtin sunu nọ gha rhiẹre ma deghẹ ima gele mwẹ ilẹkẹtin daa ọviẹn nọ gia mu ẹtin yan?
Vbọzẹe nọ na khẹke ne ima gha ya ilele ni rre Baibol ru emwi, ọ gha khọnrẹn wẹẹ agbọn ya ima gbogiẹ?