Mudia Gbain Zẹ Vbene Ufomwẹ Agbọn Na Ya Sikẹ Otọ

EVBỌZẸE NỌ NA RU EKPATAKI: Vbe nẹi khian ghi kpẹẹ gbe orueghe nọkhua na ma he miẹn egbọre ẹdẹ gha sunu. Te ima gha rhiẹre ma wẹẹ ima gele mwẹ udinmwẹ kevbe wẹẹ, ma mu ẹtin yan e Jehova vbe ẹghẹ orueghe nọkhua. Ẹghẹ na khian ya wabọ ugamwẹ ohoghe hia hin agbọn na rre, ẹre orueghe nọkhua khian ya suẹn. (Mat 24:21; Arhie 17:16, 17) Vbe ẹghẹ na kha na, ẹmwẹ nọ wegbe vbe na ghee okuta isan avan ẹre ima khian ghi ya gha wewe ma emwa. (Arhie 16:21) E Gọg ọghe Magọg ghi werriẹ aro nọ khọọ daa ima. (Ẹzik 38:10-12, 14-16) Ẹghẹ nii, e Jehova ghi ya “okuo ẹdẹ nọkhua ọghe Osanobua ne Oghodua,” miẹn emwa rẹn fan (Arhie 16:14, 16) Ọ khẹke ne ima da imudiase ọghe ima yi vbe ima gha werriẹ aro daa edanmwẹ nia, ne ima mieke na sẹtin ya udinmwẹ werriẹ aro daa edanmwẹ vbe ẹghẹ orueghe nọkhua.

VBENE A YA RU ẸRE HẸ:

• Gha rhie owẹ lele avbe ilele nọ gbae ọghe Jehova.—Aiz 5:20

• Ye gha deba etẹn ga e Jehova.—Hib 10:24, 25

• Rherhe gha lele adia nọ ke obọ otu ọghe Jehova rre.—Hib 13:17

• Gha ru erria yan odẹ ne Jehova ya miẹn emwa rẹn fan vbe ẹghẹ nọ gberra.—2 Pit 2:9

• Gha na erhunmwu gie Jehova, u ghi vbe mu ẹtin yan rẹn.—Psm 112:7, 8

GHEE VIDIO NỌ MWẸ UHUNMWUTA NỌ KHARE WẸẸ EMWI NỌ KHIAN SUNU VBE ODARO NỌ KHẸKE NE IMA YA UDINMWẸ WERRIẸ ARO DAA—ABỌ NE KUẸI VBỌ, VBE IYEKE ỌNI, A GHI ZẸ EWANNIẸN YE AVBE INỌTA NA:

• 

  De edanmwẹ ne etẹn werriẹ aro daa vbe a wẹẹ ne iko ọghe iran deba iko ọvbehe?

• 

  De vbene udinmwẹ kevbe ahọn ẹmwẹ ya rhilo ginna egbe hẹ?

• 

  Vbọzẹe nọ na khẹke ne ima gha mwẹ udinmwẹ vbe ẹghẹ okuo Amagẹdọn?

• 

  De okha ọghe eguọmwadia e Jehova nẹdẹ, nọ gha ru iyobọ ne ima ya gha mwẹ ilẹkẹtin nọ wegbe wẹẹ, e Jehova gha miẹn emwa rẹn fan?—2 Krọ 20:1-24