Emwi Nọ Ghi Ru Ekpataki Sẹ Vbuwe Ibọkpọ Ọghe Ugamwẹ

25:9, 21, 22

Ẹkpẹti Ile kegha re emwi nọ ghi ru ekpataki sẹ vbe ibọkpọ ọghe ugamwẹ kevbe agọ ọghe Ivbi Izrẹl. Okuku nọ rhiegbe ma vbuwe ẹkpo e cherub eva ni ghaa rre uhunmwu Ẹkpẹti Ile nii, ẹre ọ rhiẹre ma wẹẹ, Osanobua gu iran rrọọ. Vbe Ẹdẹ A Miẹn Ayabọ, ogie ohẹn ghi la Ehe Nọ Huan Sẹ Ehia vbuwe ibọkpọ ọghe ugamwẹ, ọ ghi sanmwẹ esagiẹn ọghe ẹmila kevbe ẹwe ye odaro ugue ọghe nene Ẹkpẹti Ile, ne Ivbi Izrẹl mieke na miẹn ayabọ vbe obọ e Jehova. (Lẹv 16:14, 15) Ọna keghi mudia ye ẹghẹ ne Jesu nọ re Ogie Ohẹn nọ sẹre ya mudia ye odaro Osanobua, ọ na muẹn ye erhae obọ, asẹ ne irẹn te mwẹ ne irẹn ya gha rrọọ zẹvbe ọmwa nọ gbae vbe uhunmwu otagbọn, ne emwa nagbọn mieke na miẹn fan vbe obọ orukhọ kevbe uwu.—Hib 9:24-26.

Rhilo ako ọghe Baibol na gbẹnnẹ ye ototọ mwa ginna afiangbe ne ima miẹn vbe izọese adẹwerriegbe:

AKO ỌGHE BAIBOL

• 1 Jọn 1:8, 9

• Hib 9:13, 14

• Rom 6:23

AFIANGBE

• ayayẹro ọghe arrọọ ọghe etẹbitẹ

• ayabọ ọghe orukhọ

• ekhọe ọguọmwaziro nọ hianrẹn

De emwi nọ khẹke ne ima ru, ne avbe afiangbe na miẹn ehe na sẹ ima obọ?