UYINMWẸ ỌGHE IMA NE IVBIOTU E KRISTI
Igbama—E Jehova Ọre Ọse Nọ Ghi Sikẹ Uwa Sẹ Ra?
De avbe akpa ne u hoo ne ọse ruẹ gha mwẹ? Egbọre ọmwa nọ mwẹ ẹkoata, ekhọe esi kevbe ọmwa nọ zẹ emwi obọ ẹre u hoo nọ gha re ọse ruẹ. E Jehova wa mwẹ avbe akpa na hia. (Ẹks 34:6; Iwinna 14:17) Ọ wa danmwehọ vbe u ghaa na erhunmwu. Ọ vbe ru iyobọ nuẹn vbe ẹghẹ ke ẹghẹ ne u ya gualọ iyobọ. (Psm 18:19, 35) U gha ru orukhọ, ọ ghi yabọ ruẹ. (1 Jọn 1:9) Vbene ẹmwata, ai miẹn Ọse na ya gie Jehova!
Vbua khian ya sẹtin gha re ọsie Jehova hẹ? Deghẹ u hoo ne u gha re ọsie Osanobua, gha tie Baibol. Gha ta enegbe ruẹ hia ma rẹn vbe erhunmwu. (Psm 62:8; 142:2) Gha rhiẹre ma wẹẹ u ya aro nọ ghaan ghee Ovbi Osanobua kevbe emwi ni ru ekpataki vbe odaro e Jehova, vbe na ghee Arriọba ọghẹe kevbe emwi nọ wẹẹ irẹn gha ru vbe odaro. U ghi vbe gha tama emwa ọvbehe vbekpae Osanobua. (Diut 32:3) U ghaa gu e Jehova mwẹ asikẹgbe ne khuankhuankhuan, irẹn ghi vbe gha re Ọse ruẹ vbe etẹbitẹ.—Psm 73:25, 26, 28.
GHEE VIDIO NỌ MWẸ UHUNMWUTA NỌ KHARE WẸẸ IGBAMA—‘UWA TOBỌ UWA GUALỌ OTỌ ỌRE MIẸN VBENE JEHOVA MAAN HẸ,’ IYEKE ỌNI, A GHI ZẸ EWANNIẸN YE AVBE INỌTA NA:
De vbene u gha ya sẹtin muegbe khẹ ayegbe fiohan kevbe idinmwiamẹ?
De vbene etẹn ọvbehe vbuwe iko gha ya sẹtin ru iyobọ nuẹn ya ga e Jehova?
De vbene iwinna ikporhu iyẹn nọ maan ya ya asikẹgbe ne u gu e Jehova mwẹ wegbe sayọ?
U gha sẹtin gha re ọsie Jehova vbe etẹbitẹ!
De ẹkpotọ nọ kie nuẹn ya ru sayọ vbe ugamwẹ e Jehova?
Vbọ ya ruẹ hoẹmwẹ e Jehova?