Zọhẹ Gie Jehova Vbene Ẹtin Ruẹ Sẹ

5:5-7, 11

Ọ gha khọnrẹn ne Ovbi Izrẹl gha re ovbiogue, ọ gha ye sẹtin gha mwẹ akueyi ọghe Osanobua. Uhiẹn, Ovbi Izrẹl nọ ghi kue ru ovbiogue sẹ, gha sẹtin ru izọhẹ gie Jehova vbene obọ ọre sẹ, e Jehova ghi vbe miẹn ọnrẹn yi. Iran sẹtin ya irhuarhua ru izọhẹ gie Jehova, sokpan nọ gha re irhuarhua nọ maan, egbe na ya mu ọghọ ye orhunmwuyẹn egbe. (Gẹn 18:6) Vbe ẹdẹnẹrẹ, vbene emwi ye hẹ vbe arrọọ ọghe ima sẹtin fiaẹn kanmwa, emwi ne ima sẹtin ru vbe ugamwẹ e Jehova, sokpan deghẹ ima na ye gha ru vbene ẹtin ima sẹ, e Jehova gha miẹn ọnrẹn yi.—Hib 13:15.

De vbene ọna gha ya sẹtin rhie igiọdu nuẹn hẹ, deghẹ u i ghi sẹtin ru vbene u ka ru vbe ugamwẹ e Jehova rhunmwuda wẹẹ, egbe i ghi ye vbene ọ ka ye?