Gha Loo Ẹwaẹn Vbe Ọ Gha De Ọghe Ayọn Nọ Wegbe Na Da

Ọ khẹke ne Ivbiotu e Kristi hia gha dia egbe iran vbe ọ gha de ọghe ayọn nọ wegbe na da. (Itan 23:20, 29-35; 1 Kọr 6:9, 10) Ovbiotu e Kristi ghaa da ayọn, te ọ khẹke nọ dae ye oreghe. Ọ ma vbe khẹke na miẹn wẹẹ, deghẹ ọ ma da ayọn nẹ, egbe i rọkhọe. Ọ vbe khẹke nọ gha begbe nẹ ghẹ ya rhua emwa ọvbehe owẹ. (1 Kọr 10:23, 24; 1 Tim 5:23) Ọ ma zẹdẹ khẹke na kpikpi ọmwa rhọkpa, katekate avbe igbama, ne iran da ayọn nọ wegbe.

GHEE VIDIO ỌGHE KATUN NA VINNỌ YE EBỌDI NỌ MWẸ UHUNMWUTA NỌ KHARE WẸẸ, YA ẸWAẸN GHA DA AYỌN, IYEKE ỌNI, A GHI ZẸ EWANNIẸN YE AVBE INỌTA NA:

• Vbọzẹe nọ na khẹke ne Ivbiotu e Kristi lele uhi Arriọba nọ dekaẹn ayọn nọ wegbe na da?—Rom 13:1-4

• Vbọzẹe nọ ma na khẹke ne ima gi ọmwa rhọkpa kpikpi ima ne ima da ayọn nọ wegbe?—Rom 6:16

• De vbene ima khian ya sẹtin gban egbe ne ẹbe nọ lele ayọn nọ wegbe na da?