EMWI EWE NI RRE UWU ẸMWẸ ỌGHE OSANOBUA

Ya Ekhọe Hia Lele Jehova

E Kelẹb wa rherhe suẹn gha ya ekhọe hia lele Jehova (Jọs 14:7, 8)

Vbe a ghi waa e Kelẹb iwinna nọ kakabọ gha lọghọ, ọ keghi mu ẹtin yan e Jehova wẹẹ ọ gha ru iyobọ ne irẹn (Jọs 14:10-12; w04 12/1 12 ¶2—mwbr21.09)

E Jehova keghi fiangbe Kelẹb rhunmwuda nọ na gha ya ekhọe hia lele irẹn (Jọs 14:13, 14; w06 10/1 18 ¶11—mwbr21.09)

Avbe Efoto: Ọtẹn nokhuo ọkpa nọ ya ẹkoata ga e Jehova gha werriẹ aro daa isievẹn ni lele ọmaẹn khian. 1. Ọ da ọkpọ yi vbe itota gha na erhunmwu. 2. Irẹn vbe ọtẹn nokhuo ọvbehe ne ọre igbama gha kporhu vbe adesẹ orere. 3. Ọ gha gie efoto maa ibiẹka eso ni rre iko ọghẹe. 4. Ọ gha ya ekhọe hia mumu ogiẹ.

E Jehova kegha fiangbe Kelẹb zẹvbe nọ ya gha lele adia ọghẹe, ọna keghi ya amuẹtinyan ọghe Kelẹb gha wegbe sayọ. Ma gha vbe bẹghe vbene Jehova ya họn erhunmwu ima hẹ, kevbe vbene ọ ya dia ima, ma ghi gha hoo ne ima ye gha gae khian.—1 Jọn 5:14, 15.