Ya Vbe Eke Ne A Na Gualọ Iyobọ Etẹn

Amuẹtinyan ne ima mwẹ ẹre ọ khian ru iyobọ ne ima ya si kpa hin eke ne ima ye rre, gha rrie ihe ọvbehe, ne ima mieke na sẹtin ru sayọ vbe ugamwẹ e Jehova. (Hib 11:​8-10) Deghẹ u hoo ne u ya ga vbe eke ne a na gualọ iyobọ etẹn, u ghi gu ediọn ni rre iko ruẹ guan vbekpa re. De emwi eso nọ gha ru iyobọ nuẹn ne u mieke na rẹn deghẹ u gha gele sẹtin ya ga vbe eke ne a na gualọ iyobọ etẹn? Vbua khian vbe ya rẹn eke nọ khẹke ne u na ya ga? U sẹtin ya tie ebe eso ne otu e Jehova gbẹnnẹ ladian, nọ guan kaẹn emwi nọ gha ru iyobọ ne ọmwa nọ hoo nọ ya ga vbe eke ne a na gualọ iyobọ etẹn. Deghẹ u rẹn etẹn eso ni ya ga vbe eke ne a na gualọ iyobọ etẹn, u sẹtin vbe gu iran guan. (Itan 15:22) Na erhunmwu gie Jehova nọ ru iyobọ nuẹn ya rẹn emwi nọ khẹke ne u ru. (Jems 1:5) Hia ne u kakabọ rẹn eke ne u hoo ne u na ya ga. Vbene u te ta mu olọ yan rẹn wẹẹ evba nii ẹre u khian na ya ga, u sẹtin ka ya dia evba ya vbe ọwara ẹghẹ eso.

GHEE VIDIO NỌ MWẸ UHUNMWUTA NỌ KHARE WẸẸ, GHA MWẸ AMUẸTINYAN NE U VBE LOO ẸKPOTỌ NỌ KIE NUẸ YA RU SAYỌ​—YA GA VBE EKE NE A NA GUALỌ IYOBỌ ETẸN, IYEKE ỌNI, A GHI ZẸ EWANNIẸN YE AVBE INỌTA NA:

• De ọlọghọmwa eso ne Gabriel werriẹ aro daa, kevbe wẹẹ, de emwi nọ ru iyobọ nẹẹn?