EMWI EWE NI RRE UWU ẸMWẸ ỌGHE OSANOBUA

De Emwi Ne Orrẹ Eva Maa Ima Re?

A keghi bọ orrẹ eva nikhua ye eke ne emwa khian na gha bẹghe ẹre vbe Ọgua Osa (1 Ọba 7:15, 16; w13 12/1 13 ¶3—mwbr22.07)

A keghi mu eni eva ni ru ekpataki ne dọmwadẹ orrẹ na (1 Ọba 7:21; it-1 348—mwbr22.07)

E Jehova gha ru iyobọ ne emwa rẹn ya ya Ọgua Osa nii khian nọ digiẹ, deghẹ iran na mu ẹtin yan rẹn (1 Ọba 7:21; Psm 127:1)

A sẹtin miẹn wẹẹ e Jehova ru iyobọ ne ima ya la ọlọghọmwa nibun gberra, ne ima mieke na sẹtin la odẹ ẹmwata. Sokpan te ọ khẹke ne ima ye mu ẹtin yan rẹn, ne ima mieke na sẹtin “mudia gbain vbe uwu iyayi.”—1 Kọr 16:13.

Avbe Efoto: 1. Okhuo ọkpa nọ re igbama nọ rre ẹki, miẹn ọtẹn nokhuo ọkpa ebe ẹmu na tie ẹre “Sọyẹnmwẹ Arrọọ Vbe Etẹbitẹ!” 2. Vbe nene okhuo ghi tie ebe na tie ẹre “Sọyẹnmwẹ Arrọọ Vbe Etẹbitẹ! vbe owa, ọ na gha roro vbene emwi nọ tie ya dekaẹn esiga na si hẹ. 3. Ọ dinmwiamẹ.

NỌ EGBUẸ WẸẸ, ‘De vbene I ya rhie ẹre ma wẹẹ, I mu ẹtin yan e Jehova?’