“Gha Zẹ Emwi Obọ”

Jesu tama ima wẹẹ, deghẹ ima na gha zẹ emwi obọ, emwa ọvbehe ghi vbe gha hoo ne iran ya egbe taa ima. (Luk 6:38) Deghẹ etẹn ni rre iko na rẹn ruẹ ye ọmwa nọ zẹ emwi obọ, iran tobọ iran ghi vbe gha zẹ emwi obọ, iran ghi vbe gha ru iyobọ ne emwa ọvbehe.

Odẹ ọkpa ne ima ya ga e Jehova ọre ne ima na ya ekhọe hia ru ẹse ne emwa ọvbehe. Aro e Jehova wa sotọ vbe egbe etẹn ni ya ekhọe hia zẹ emwi obọ, kevbe ni ru iyobọ ne etẹn ni rre uwu iko ni gualọ iyobọ. Ọ vbe yan rẹn wẹẹ, irẹn gha san iran ẹse ye emwi hia ne iran ru.​—Itan 19:17.

GHEE VIDIO NỌ MWẸ UHUNMWUTA NỌ KHARE WẸẸ, MA KPỌNMWẸ UWA YE ODẸ NE UWA YA ZẸ EMWI OBỌ, IYEKE ỌNI, A GHI ZẸ EWANNIẸN YE AVBE INỌTA NA:

• De vbene a he ya loo izọhẹ ne u ru ya ru iyobọ ne etẹn hẹ?

• Vbọzẹ nọ na khẹke ne ima ye gha zẹ emwi obọ, ọ gha khọnrẹn nọ ye kherhe?​—Ya ghee uhunmwuta nọ khare wẹẹ, “Vbene Nọ Mwẹ Ya Ru Iyobọ Ne Nẹi Mwẹ” nọ rre jw.org.