UYINMWẸ ỌGHE IMA NE IVBIOTU E KRISTI
Mu Egbe Yotọ Khẹ Emianmwẹ Nọ Gha Sẹtin De Rre Vbe Udomwurri
Vbọzẹ nọ na khẹke ne ima mu egbe yotọ? Ọlọghọmwa ọghe emianmwẹ kevbe emwi ọvbehe nọ gha sẹtin ya ima gha rrie owa isinmwiegbe sẹtin wa sunu vbe udomwurri. Rhunmwuda ọni, ru emwamwa nọ khẹke yotọ nian, ne u mieke na sẹtin gbaroghe egbuẹ ẹse, vbe emwi vberriọ gha sunu. U gha ru vberriọ, ọ rhie ma wẹẹ, u ya aro nọ ghaan ghee arrọọ kevbe wẹẹ, u lele uhi ọghe Jehova nọ dekaẹn esagiẹn.—Iwinna 15:28, 29.
Vbua khian ya mu egbe yotọ hẹ?
Na erhunmwu, iyeke ọni, u ghi gbẹnnẹ emwi ye ekadi na tie ẹre durable power of attorney (DPA).a Etẹn ni dinmwiamẹ nẹ gha sẹtin rhie ekadi na vbe obọ ọtẹn nọ gbaroghe ebe vbe iko, iran gha vbe sẹtin rhie ekadi na tie ẹre Identity Card (ic), ne ivbi iran ni ye re ibiẹka vbe obọ ọtẹn na
Deghẹ u hanmwa, tama ediọn ne iran rhie ebe na tie ẹre Information for Expectant Mothers (S-401) nuẹn. Emwi na gbẹnnẹ ye ebe na gha ru iyobọ nuẹn ya rẹn emwi ne u gha ru, deghẹ ọlọghọmwa eso na de rre, vbe u ghaa hanmwa ra vbe u gha khian biẹ
Deghẹ odẹ na khian ya gbaroghe ruẹ gha sẹtin ya avbe ọbo ebo gha hoo ne iran mu esagiẹn nuẹn ra ọ gha ya ruẹ gbe ẹghẹ eso vbe owa isinmwiegbe, tama ediọn yotọ, u ghi vbe tama emwa ni winna vbe owa isinmwiegbe nii wẹẹ, u kue yọ ne Avbe Osẹe Jehova gha mu otuẹ guẹ
De vbene avbe ediọn gha ya sẹtin ru iyobọ nuẹn hẹ? Iran gha sẹtin ru iyobọ nuẹn ya fill e DPA card ruẹ. Vbọrhirhighayehẹ, iran i khian ru azẹ nuẹn, ra ne iran tama ruẹ emwi ne iran hoo ne u ru vbe emwi eso nọ na khẹke ne u zẹ ne egbuẹ. (Rom 14:12; Gal 6:5) U gha tama ediọn ni rre iko ruẹ wẹẹ, odẹ na khian ya gbaroghe ruẹ vbe owa isinmwiegbe gha sẹtin ya ẹmwẹ esagiẹn de rre, iran gha gu ruẹ gu e Hospital Liaison Committee (HLC) guan vbobọvbobọ.
De vbene HLC gha ya sẹtin ru iyobọ nuẹn hẹ? A ma etẹn ni rre HLC emwi nẹ, ne iran mieke na sẹtin gha rhan otọ emwi ne ima yayi vbekpa esagiẹn, ma avbe ọbo ebo kevbe omugui. Iran gha sẹtin gu ọbo ebo nọ gbaroghe ruẹ ziro, vbekpa odẹ ughughan na gha ya sẹtin gbaroghe ruẹ vbe nai na si esagiẹn yọ ruẹ egbe. Iran gha vbe sẹtin gu ruẹ gualọ ọbo ebo nọ gha gbaroghe ruẹ vbe nẹi na si esagiẹn yọ ruẹ egbe deghẹ u gualọ.
GHEE VIDIO NỌ MWẸ UHUNMWUTA NỌ KHARE WẸẸ, ODẸ NE U GHA YA SẸTIN RU AZẸ NỌ MAAN NỌ DEKAẸN ESAGIẸN NA LOO VBE A GHAA KHUỌNMWI, IYEKE ỌNI, A GHI ZẸ EWANNIẸN YE AVBE INỌTA NA:
De emwi ne u miẹn ruẹ vbe vidio na, nọ gha ru iyobọ nuẹn ya mu egbe yotọ khẹ emianmwẹ nọ gha sẹtin ya ẹmwẹ esagiẹn de rre vbe udomwurri?
a Iruẹmwi 39 ọghe ebe na tie ẹre, Sọyẹnmwẹ Arrọọ Vbe Etẹbitẹ! gha ru iyobọ nuẹn ya rẹn vbene u khian ya gbaroghe egbuẹ hẹ vbe ẹmwẹ esagiẹn gha de rre.