Mwamwa Emwi Eso Ne U Khian Ru Vbe Ẹghẹ Ugie Ayere

Te eguọmwadia e Jehova wa khẹ ẹghẹ ne iran ya do Ugie Ayere vbe ukpukpo. Ọ gha kẹ odẹ uzọla eso ne ima do Ugie Ayere, ma keghi loo ẹkpotọ nọ kie ne ima ya gha rhie urhomwẹ kevbe ekpọnmwẹ gie Jehova rhunmwuda izọese adẹwerriegbe nọ ru emwamwa rẹn, erriọ ima vbe ru ẹre, vbe uzọla eso nọ ghi lelẹe. (Ẹfis 1:3, 7) Vbe igiemwi, ma keghi hia vbe odẹ ke odẹ ne ima tie emwa ne iran do deba ima do Ugie Ayere. Etẹn eso vbe sẹtin ru emwamwa ne iran mieke na ru iwinna arọndẹ ọghe ọyobọ, vbe uki e March ra April. Iran ghi hia ne iran rhie ughaẹdẹ 30 ra 50 ladian vbe avbe uki na. U gha hoo ne u kakabọ rhiegbe ye iwinna ikporhu vbe ẹghẹ Ugie Ayere ra? Vbọ khian ru iyobọ nuẹn ya sẹtin ru vberriọ?

Ma gha ru emwamwa nọ khẹke yotọ, ẹre ima na mobọ sẹtin ru emwi nibun. (Itan 21:5) Vbene ima te rẹn, ẹghẹ Ugie Ayere sẹ nẹ, rhunmwuda ọni, ọ khẹke ne ima suẹn gha ru emwamwa yotọ nian. Muẹn roro, emwi nọ gha ru iyobọ nuẹn ya kakabọ rhiegbe ye iwinna ikporhu vbe ẹghẹ Ugie Ayere, u ghi vbe muẹn roro, emwi nọ gha ru iyobọ nuẹn ya ru emwi ne u hoo ne u ru. Iyeke ọni, u ghi na erhunmwu gie Jehova, nọ ru iyobọ nuẹn ya musọe.—1 Jọn 5:14, 15.

De odẹ eso ne u yayi wẹẹ, u gha ya sẹtin kakabọ rhiegbe ye iwinna ikporhu vbe ẹghẹ Ugie Ayere?