EMWI EWE NI RRE UWU ẸMWẸ ỌGHE OSANOBUA

Vbene A Ghi Ya Mwamwa Iwinna Ughughan Na Ru Vbe Ọgua Osa

Ọba e Devid keghi mwamwa vbene Ivbi e Livai kevbe avbe ohẹn khian ya gha ru emwi hẹ vbe Ọgua Osa (1 Krọ 23:6, 27, 28; 24:1, 3; it-2 241, 686—mwbr23.03)

Ọ na wẹẹ ne emwa ni guẹ vbene a ya so ihuan kevbe ẹgiọn na kpee, kevbe iran ni ye ruẹ ọre, gha ya ihuan rhie urhomwẹ gie Jehova (1 Krọ 25:1, 8; it-2 451-452—mwbr23.03)

Ọ na wẹẹ ne Ivbi e Livai eso gha gbaroghe onurho, ne eso gha gbaroghe aza, ọ na vbe mu iwinna ọvbehe ne iran eso (1 Krọ 26:16-20; it-1 898—mwbr23.03)

Etẹn nikpia kevbe etẹn nikhuo rre uwu Ọgua Arriọba vbene iko te suẹn. 1. Iran gha tuẹ egbe, iran vbe gu egbe guan. 2. Ọtẹn nokpia ọkpa gha ma ọtẹn nokhuo ọkpa emwi eso na mu ye ebọdi na sikan elẹta kevbe emwi ọvbehe yi vbe iko. 3. Ọtẹn nokhuo ọkpa gha rhie igho ye ẹkpẹti okozẹ. 4. Ọtẹn nokpia nọ gbaroghe ebe vbe iko gha viọ ebe ne ọtẹn nokhuo ọkpa. 5. Ọtẹn nokpia ọkpa gha mwamwa e microphone vbe uhunmwu ogiukpo. 6. Ọtẹn nokpia ọkpa kevbe ovbi ẹre nokpia nekherhe gha kpolo.

Ma i ru emwi pirhipirhi vbe ugamwẹ e Jehova, rhunmwuda e Jehova i re Osa nọ ru emwi pirhipirhi.—1 Kọr 14:33.

EMWI NỌ KHẸKE NE U MU RORO: De vbene a ya mwamwa emwi ughughan na ru vbe iko ọghe Ivbiotu e Kristi vbe ẹdẹnẹrẹ?