mwb23 May ipapa 7
“E Jehova Gha Sẹtin Viọ Ni Bun Sẹ Ọni Nuẹn”

Ebe Iwinna Na Loo Vbe Ne Iko Uyinmwẹ Kevbe Iwinna Ọghe Ima Ne Ivbiotu e Kristi—2023

mwb23 May ipapa 7

EMWI EWE NI RRE UWU ẸMWẸ ỌGHE OSANOBUA

“E Jehova Gha Sẹtin Viọ Ni Bun Sẹ Ọni Nuẹn”

Amazaia keghi ha igho nọkhua, ne ivbiyokuo ni ke ẹvbo ọvbehe rre mieke na do deba ivbiyokuo ọghe irẹn khọn eghian ọghe Osanobua (2 Krọ 25:5, 6)

Akhasẹ ọghe Osanobua keghi tama Amazaia nọ tama avbe ivbiyokuo ni ke ẹvbo ọvbehe rre, ne iran gha rrie owa (2 Krọ 25:7, 8; it-1 1266 ¶6)

E Jehova gha sẹtin ya emwi nọ sẹ igho nọ wii Amazaia ya ha ẹre osa (2 Krọ 25:9, 10)

Avbe Efoto: Ọtẹn nokhuo ọkpa nọ re igbama gha roro emwi eva nọ gha sẹtin ya ẹdagbọn rẹn ru. 1. Ọ gha gu avbe ọsiọre nẹi re Osẹe Jehova mu obọ, zẹ vbene iran ya rhie klass; irẹn vbe otẹn nokhuo ọkpa nọ khian enọwanrẹn nẹ gha koko kporhu. 2. Ọ winna ya sẹ ẹghẹ asọn vbe isiwinna rẹn; ọ wa ghọghọ zẹ vbene ọ ya deba etẹn bọ owa ugamwẹ. 3. Ọ gha mu emwi eso ma emwa vbe isiwinna; ọ gha gu okhuo ọkpa ruẹ e Baibol.

NỌ EGBUẸ WẸẸ: ‘De emwi eso ne I gha sẹtin sẹrae, ne I mieke na rhiegbe ye ugamwẹ e Jehova sayọ? De avbe afiangbe ni gha sẹ mwẹ obọ, deghẹ I na ru vberriọ?’—Mal 3:10; w21.08 30 ¶16.