Gha Ruẹ Emwi Vbe Odẹ Nọ Gha Ru Iyobọ Nuẹn Ya Gha Ba Odẹ

Tie ebe Daniẹl 9:​1-19 ne u mieke na rẹn evbọzẹe nọ na ru ekpataki ne ima gha ruẹ emwi dinmwi.

Hia ne u rẹn eke ne ẹmwẹ ke dee kevbe eke ne ẹmwẹ rrie. De emwi eso ni ka sunu, de vbene iran ya dekaẹn e Daniẹl hẹ? (Dan 5:29–6:5) De emwi ne u gha te ru akpawẹ uwẹ ọre Daniẹl?

Ruẹ sayọ. De “ebe nọhuanrẹn” ne ima yayi wẹẹ, e Daniẹl tie re? (Dan 9:2; w11 1/1 22 ¶2) Vbọzẹ ne Daniẹl na miẹn ọnrẹn kue ighẹ orukhọ ne irẹn kevbe agbẹnvbo ọghe Izrẹl ru? (Lev 26:​39-42; 1 Ọba 8:​46-50; dp 182-184) De vbene erhunmwu ne Daniẹl na ya rhie ẹre ma wẹẹ, ọmwa nọ kakabọ wa gha tie Ẹmwẹ ọghe Osanobua nọ?​—Dan 9:​11-13.

Mu emwi ne u tie roro. Nọ egbuẹ ruẹ wẹẹ:

• ‘De emwi nọ khian ru iyobọ mẹ ne emwi ughughan ni sunu vbe agbọn na ghẹ rhie mwẹ ekhọe hin emwi ni ru ekpataki rre?’ (Mai 7:7)

• ‘De ere ne I khian miẹn vbọ, deghẹ I na kakabọ gha tie Ẹmwẹ Osanobua vbe na ghee Daniẹl?’ (w04 8/1 12 ¶17)

• ‘De emwi ne I miẹn ruẹ nọ gha ru iyobọ mẹ ya “gha bodẹ”?’ (Mat 24:​42, 44; w12 8/15 5 ¶7-8)