Mu Egbe Ye Otọ

Ma ghaa tie Baibol, ma wa hoo ne emwi ne ima ruẹ vbekpa e Jehova mu ima ekhọe. Ẹzra wa rhie igiemwi esi ye otọ vbe nọ dekaẹn ọna, ọ keghi “mu aro ye ẹmwẹ uhi e Jehova na ruẹ.” (Ẹzra 7:10) Vbe ima khian ya mu egbe ye otọ hẹ?

Na erhunmwu. Vbene u te suẹn gha ruẹ emwi, u ghi ka na erhunmwu. U ghi nọ e Jehova nọ ru iyobọ nuẹn ya sẹtin rẹn otọ emwi ne u khian ruẹ kevbe ne u sẹtin rhie ẹre ye uyinmwẹ.​—Psm 119:​18, 34.

Gha mu egbe rrie otọ. Te Osanobua rhie ẹmwata lẹre ne emwa ni tọn egbe mu, ni ru vbe na miẹn wẹẹ, iran ẹre ọ rẹn sẹ. (Luk 10:21) Ghẹ gha ru ezanzan rhunmwuda wẹẹ, u hoo ne u gi emwa ọvbehe rẹn wẹẹ, u rẹn emwi sẹ iran. Ọ khẹke ne u fi iziro ruẹ werriẹ deghẹ ọ ma gua ilele ọghe Osanobua ro.

Gha danmwehọ ihuan Arriọba. Ihuan wa mwẹ iyobọ nọkhua nọ ye ne ima, ọ gha sẹtin mu ima egbe khẹ ugamwẹ ne ima rhie ne Jehova. Vbene u te suẹn gha ruẹ emwi, hia ne u danmwehọ ihuan ọkpa, ọna gha ru iyobọ nuẹn ya mu egbe ye otọ, ne emwi ne u khian ruẹ mieke na mu ruẹ ekhọe.