E Futnot

c Emwa eso ni rri egie ebe khare wẹẹ, eyan ọghe Nazarait ẹre ikpia na ru. (Nọm 6:​1-21) Ẹmwata nọ wẹẹ, a so ẹre gọ nẹ ighẹ Uhi e Mozis nọ kie ẹkpotọ yọ ne emwa ya gha ru egbe eyan vberriọ. Ọrheyerriọ, egbọre Pọl ghee ẹre wẹẹ, ọ ma de emwi nọ rhia deghẹ ikpia na na mu eyan ne iran ru ma e Jehova sẹ. Rhunmwuda ọni, ẹ i khian gha re emwi dan deghẹ irẹn na su iran gha khian, kevbe deghẹ irẹn na vbe ha osa ye emwi ne iran loo ro. Ma ma wa rẹn aro eyan ne iran ru, sokpan, avbe Nazarait mobọ gha ya aranmwẹ zọ ese, ne iran ya kpe egbe iran huan hin orukhọ rre. Vbe nọ rhirhi gha ye hẹ, ma rẹnrẹn wẹe, e Pọl i khian gha mwẹ obọ vbe egbe izọese vberriọ. Vbe Kristi ghi ya egbe ẹre nọ gbae zọ ese ne emwa nagbọn nẹ, Osanobua ma ghi gha lekpa izọese aranmwẹ ya orukhọ bọ emwa. Ma ma wa rẹn emwi hia ne Pọl ru, sokpan, ma rẹnrẹn wẹẹ, e Pọl i khian gha mwẹ obọ vbe emwi ke emwi nọ gha ya ekhọe ọre gha kpokpo ẹre.