E Futnot

a Vbene a te do Ugie Ayere kevbe vba gha ghi do ugie na nẹ, a keghi rhie igiọdu ne ima, ne ima gha muẹn roro, emwi ne Jesu ru vbe ọ rre agbọn na kevbe vbene ọ ya wu ne ima hẹ, kẹ kevbe ahoẹmwọmwa ne irẹn vbe Erhae mwẹ ne ima. Ma gha ru vberriọ te ima rhie ẹre ma wẹẹ, ma gbọyẹmwẹ ye emwi ne Jehova kevbe Jesu ru ne ima. Vbe ako iruẹmwi na, ma gha ziro yan odẹ eso ne ima gha ya sẹtin rhie ẹre ma wẹẹ, ma gbọyẹmwẹ ye izọese adẹwerriegbe kevbe wẹẹ, ima hoẹmwẹ e Jehova kevbe Jesu. Ma gha vbe guan kaẹn vbene ima khian ya rhie ẹre ma wẹẹ, ma hoẹmwẹ etẹn ima, vbene ima khian ya rhie ẹre ma wẹẹ, ima mwẹ udinmwẹ kevbe vbene ima khian ya gha sọyẹnmwẹ vbe ugamwẹ e Jehova.