• De Vbene Arrọọ Ya Suẹn Hẹ?
    Sọyẹnmwẹ Arrọọ Vbe Etẹbitẹ!—Iruẹmwi E Baibol

    • 1. De vbene agbọn na kevbe emwi hia ni rre orere iso ya gha rrọọ hẹ?

      E Baibol khare wẹẹ: ‘Vbe omuhẹn, Osanobua keghi yi agbọn kevbe emwi hia ni rre iso.’ (Gẹnẹsis 1:1) Avbe umẹwaẹn nibun kue yọ wẹẹ, agbọn na kevbe emwi hia ni rre iso mwẹ omuhẹn. De vbene Osanobua ya yi iran hẹ? “Ẹtin” ẹnrẹn nọ re orhiọn nọhuanrẹn, ẹre ọ ya yi emwi hia, ya sẹ egbe avbe orhọnmwẹ kevbe planẹt ughughan.​—Gẹnẹsis 1:2.

  • De Vbene Arrọọ Ya Suẹn Hẹ?
    Sọyẹnmwẹ Arrọọ Vbe Etẹbitẹ!—Iruẹmwi E Baibol

    • 5. Te emwi hia ne Baibol tae vbekpa vbene a ya yi emwi ughughan hẹ wa gba

      Ebe Gẹnẹsis uhunmwu ẹnrẹn 1, keghi gie vbene a ya yi agbọn na kevbe emwi hia ni rrọọ. Ẹmwata ẹre Baibol gele ta ra, ra ohoghe nọ? Kpee VIDIO na, iyeke ọni, uwa ghi ziro yan inọta ni lelẹe.

      E VIDIO: Te A Gele Yi Agbọn Vbe Ẹrinmwi Ra?​—Abọ Ne Kuẹi Vbọ (3:51)

      Efoto: Avbe efoto na mu ladian vbe vidio nọ mwẹ uhunmwuta nọ khare wẹẹ, ‘Te A Gele Yi Agbọn Vbe Ẹrinmwi Ra?​—Abọ Ne Kuẹi Vbọ.’ 1. Vbene ikpẹdẹ ehan ne Osanobua ya yi emwi hia khian gha ye hẹ, deghẹ ọmwa na gha ke uhunmwu otagbọn na ghee ẹre. 2. Vbene uhunmwu otagbọn na ghi gha ye hẹ vbe iyeke ikpẹdẹ ehan ne Osanobua ya yi emwi hia. Ovẹn gha yunmwu, otọ nọ kae rrọọ, amẹ, irunmwu, ahianmwẹ, aranmwẹ kevbe emwa nagbọn vbe rre evba.

      • E Baibol wẹẹ ikpẹdẹ ehan ẹre Osanobua ya yi emwi hia. Ikpẹdẹ ehan kẹkan nọ mwẹ ughaẹdẹ 24 nọ ra?

      • Uwẹ gele yayi wẹẹ emwi ne Baibol tae vbekpa vbene a ya yi emwi hia hẹ gba ra? Vbua gu kha vberriọ?

      Tie Gẹnẹsis 1:1, iyeke ọni, uwa ghi ziro yan inọta na:

      • Avbe umẹwaẹn wẹẹ, agbọn na kevbe emwi hia ni rre iso mwẹ omuhẹn. Vbe ọna ya gua emwi nọ rre ako ọghe Baibol na ro hẹ?

      Emwa eso roro ẹre wẹẹ, ughaghe emwi ọkpa ne Osanobua yi, ẹre ọ ghi do khian emwi ughughan. Tie Gẹnẹsis 1:21, 25, 27, iyeke ọni, uwa ghi ziro yan avbe inọta na:

      • Zẹvbe nọ rre ako ọghe Baibol na, ẹmwata gele nọ wẹẹ, emwi ọkpa ne Osanobua yi, ẹre ọ ghi do khian avbe aranmwẹ kevbe emwa nagbọn ra? Ra te Osanobua yi emwi “ughughan” ni mwẹ arrọọ?b