3. Vbọ ya emwa nagbọn lughaẹn ne avbe aranmwẹ?

Vbe Jehova ghi yi agbọn na nẹ, ọ na suẹn gha yi emwi ni mwẹ arrọọ ye uwu ẹre. Vbe okaro, ọ keghi yi emwi okọ ughughan kevbe avbe aranmwẹ. Iyeke ọni, “Osanobua na ghi yi ene okpia nọ yevbe irẹn.” (Tie Gẹnẹsis 1:27, NW.) Vbọ ya emwa nagbọn lughaẹn? Emwa nagbọn ọkpa ẹre Osanobua yi nọ gha yevbe irẹn, nọ rhie ma wẹẹ, ma gha sẹtin ya egbe taa re vbe odẹ nọ ya rhie ahoẹmwọmwa ma, odẹ nọ ya ya obọ esi mu emwa hia kevbe odẹ nibun ọvbehe. Ọ vbe yi ima ne ima sẹtin gha ruẹ urhuẹvbo ughughan, ne ima sẹtin gha bẹghe emwi nọ mose, ọ ghi vbe gha yẹẹ ima, kevbe ne ima sẹtin gha danmwehọ ihuan nọ rhiẹnrhiẹn. Deba ọni, ma ọkpa ẹre ọ vbe sẹtin rhie ugamwẹ ne Ayi ọghomwa, avbe aranmwẹ i sẹtin.

6. Emwa nagbọn keghi lughaẹn ne evbayi nikẹre

Te ima wa lughaẹn ne avbe aranmwẹ. Tie Gẹnẹsis 1:26, iyeke ọni, uwa ghi ziro yan inọta na:

• Ma ne emwa nagbọn ne Osanobua yi nọ gha yevbe irẹn keghi mwẹ ahoẹmwọmwa kevbe ẹnina. Vbe ọna maa ruẹ re vbekpa aro ọmwa ne Osanobua khin?