3. Vbọ ya emwa nagbọn lughaẹn ne avbe aranmwẹ?

Vbe Jehova ghi yi agbọn na nẹ, ọ na suẹn gha yi emwi ni mwẹ arrọọ ye uwu ẹre. Vbe okaro, ọ keghi yi emwi okọ ughughan kevbe avbe aranmwẹ. Iyeke ọni, “Osanobua na ghi yi ene okpia nọ yevbe irẹn.” (Tie Gẹnẹsis 1:27, NW.) Vbọ ya emwa nagbọn lughaẹn? Emwa nagbọn ọkpa ẹre Osanobua yi nọ gha yevbe irẹn, nọ rhie ma wẹẹ, ma gha sẹtin ya egbe taa re vbe odẹ nọ ya rhie ahoẹmwọmwa ma, odẹ nọ ya ya obọ esi mu emwa hia kevbe odẹ nibun ọvbehe. Ọ vbe yi ima ne ima sẹtin gha ruẹ urhuẹvbo ughughan, ne ima sẹtin gha bẹghe emwi nọ mose, ọ ghi vbe gha yẹẹ ima, kevbe ne ima sẹtin gha danmwehọ ihuan nọ rhiẹnrhiẹn. Deba ọni, ma ọkpa ẹre ọ vbe sẹtin rhie ugamwẹ ne Ayi ọghomwa, avbe aranmwẹ i sẹtin.

5. Te emwi hia ne Baibol tae vbekpa vbene a ya yi emwi ughughan hẹ wa gba

E VIDIO: Te A Gele Yi Agbọn Vbe Ẹrinmwi Ra?​—Abọ Ne Kuẹi Vbọ (3:51)

• E Baibol wẹẹ ikpẹdẹ ehan ẹre Osanobua ya yi emwi hia. Ikpẹdẹ ehan kẹkan nọ mwẹ ughaẹdẹ 24 nọ ra?

• Uwẹ gele yayi wẹẹ emwi ne Baibol tae vbekpa vbene a ya yi emwi hia hẹ gba ra? Vbua gu kha vberriọ?

Tie Gẹnẹsis 1:1, iyeke ọni, uwa ghi ziro yan inọta na:

• Avbe umẹwaẹn wẹẹ, agbọn na kevbe emwi hia ni rre iso mwẹ omuhẹn. Vbe ọna ya gua emwi nọ rre ako ọghe Baibol na ro hẹ?

Emwa eso roro ẹre wẹẹ, ughaghe emwi ọkpa ne Osanobua yi, ẹre ọ ghi do khian emwi ughughan. Tie Gẹnẹsis 1:21, 25, 27, iyeke ọni, uwa ghi ziro yan avbe inọta na:

• Zẹvbe nọ rre ako ọghe Baibol na, ẹmwata gele nọ wẹẹ, emwi ọkpa ne Osanobua yi, ẹre ọ ghi do khian avbe aranmwẹ kevbe emwa nagbọn ra? Ra te Osanobua yi emwi “ughughan” ni mwẹ arrọọ?b