4:10-15

E Jehova keghi ru iyobọ ne Mosis ya gha mwẹ udinmwẹ. Vbe ima miẹn ruẹ vbe emwi ne Jehova tama e Mosis?

• Ọ ma khẹke ne ima gha roro ẹre wẹẹ ima ma gbegba nọ gha ru iwinna ne Jehova waa ima re

• Ọ khẹke ne ima gha mwẹ ilẹkẹtin wẹẹ e Jehova gha ru iyobọ ne ima ya ru iwinna ne irẹn rhirhi waa ima re

• Adeghẹ ima na mu ẹtin yan e Jehova, ma i khian gha mu ohan emwa nagbọn

Vbe okaro, e Mosis kegha roro ẹre wẹẹ irẹn i khian sẹtin ru iwinna ne Jehova waa re. (Ẹks 4:10, 13) Emwi vbenian he ka sunu daa ruẹ ẹdẹ ra? A sẹtin miẹn wẹẹ, Avbe Osẹe Jehova ya e Baibol maa ruẹ emwi, sokpan u na do gha roro ẹre wẹẹ, u i khian sẹtin do gha si ẹkpo lele orere gha kporhu. A sẹtin vbe miẹn wẹẹ igbama ẹre u khin, sokpan ekhue i gu ruẹ kporhu vbe owebe. U sẹtin vbe gha roro ẹre wẹẹ, u i khian sẹtin rhiegbe ye ikporhu ọghe adesẹ orere, ra u i khian sẹtin ya efoni kporhu ma ọmwa. Adeghẹ u werriẹ aro daa isievẹn vbenian, rinmwian e Jehova nọ ya orhiọn nọhuanrẹn ọghẹe ru iyobọ nuẹn. (1 Pit 4:11) Gha mwẹ ilẹkẹtin wẹẹ e Jehova gha ru iyobọ nuẹn ya ru iwinna nọ rhirhi waa ruẹ re.—Ẹks 4:11, 12.