• De Ọmwa Ne Uwẹ Ya Aro Kọ?
    Owa Ọkhẹ (Ako Iruẹmwi)—2018 | July

    • 9. De adia ne Jehova rhie ne Mozis, sokpan de emwi ne Mozis ghi ru? (Ghee efoto nọ rre omuhẹn.)

      9 Vbe Mozis a ghi ru ye isọtẹ na? Ọ na vbe tu tie Jehova nọ rhie adia ne irẹn. Vbe ẹghẹ na, e Jehova ma tama rẹn nọ ya ọkpọ re kinmwi okuta. Ọ keghi tama e Mozis nọ si Ivbi Izrẹl koko ye odaro okuta, vbe iyeke ọni, ọ ghi gu enene okuta guan. (Nọm 20:6-8) Sokpan, e Mozis ma lele adia nii, ọ ma gu okuta guan. Ohu keghi mu e Mozis sẹrriọ wẹẹ, ọ na gha goo yaẹn Ivbi Izrẹl ni si egbe koko. Ọ keghi kha wẹẹ: ‘Wa danmwehọ, wa ne emwa isọtẹ na! Uwu okuta na ọre ima gha ke sa amẹ ladian ne uwa ra?’ Evba nii, ẹre Mozis na ya ọkpọ re kinmwin okuta nii igbava.—Nọm 20:10, 11.

  • De Ọmwa Ne Uwẹ Ya Aro Kọ?
    Owa Ọkhẹ (Ako Iruẹmwi)—2018 | July

    • VBENE MOZIS YA SỌTẸ HẸ

      12. De emwi ọvbehe ne uwẹ roro ighẹ ọ si ẹre ne ohu e Mozis kevbe Erọn na mu e Jehova sẹrriọ?

      12 Emwi ọvbehe nọ ya ohu e Mozis kevbe Erọn mu e Jehova sẹrriọ sẹtin vbe gha re ẹmwẹ ne Mozis tama Ivbi Izrẹl. E Mozis Keghi tama iran wẹẹ: “Uwu okuta na ọre ima gha ke sa amẹ ladian ne uwa ra?” Ẹmwẹ ne Mozis loo ro mwa keghi ye vbe na miẹn wẹẹ, irẹn vbe Erọn ẹre ọ guan kaẹn. Vbọrhirhighayehẹ, e Mozis ma rhie ọghọ ne Jehova rhunmwuda ẹmwẹ ne ọ tae ma rhie ma wẹẹ e Jehova ẹre ọ ru emwi ọyunnuan nii. Ẹmwẹ nọ rre ebe Psalm 106:32, 33 ẹre ọ suigiẹ ye ọna. Ọ keghi kha wẹẹ: “Vbe ovbi ẹzẹ e Mẹriba, emwa nii keghi vbe ya ohu mu e Nọyaẹnmwa, e Mozis keghi la ẹmwẹ rhunmwuda iran. Iran keghi ya ohu muẹn sẹrriọ wẹẹ, ọ na wa gha talọ vbe ne ẹi na zẹdẹ ka roro ẹre.”c (Nọm 27:14) E Mozis ma gele rhie uyi nọ khẹke ne Jehova, ọna ẹre ọ zẹe ne Jehova na tama e Mozis kevbe Erọn wẹẹ: ‘Wa eveva sọtẹ daa mwẹ vbe Mẹriba.’ (Nọm 20:24) Vbene ẹmwata, te Mozis gele sọtẹ!

      13. Vbọzẹe ne ima gha na kha wẹẹ, Jehova ma gbe ewanmwẹ ghee obọ ọkpa vbe ọ buohiẹn gbe Mozis?

      13 E Mozis Kevbe Erọn ẹre ọ te khẹke nọ rhie igiemwi esi ye otọ rhunmwuda iran ẹre ọ ghaa su Ivbi Izrẹl. (Luk 12:48) Rhunmwuda isọtẹ ọghe Ivbi Izrẹl, e Jehova ka yan rẹn nẹ wẹẹ iran i khian lae Otọ Na Ru Eyan Rẹn. (Nọm 14:26-30, 34) Nọnaghiyerriọ, e Jehova ma gbe ewanmwẹ ghee obọ ọkpa vbe ọ vbe tama e Mozis wẹẹ, ẹi khian lae Otọ Na Ru Eyan Rẹn rhunmwuda uyinmwẹ nọ yinrin. E Mozis kevbe Ivbi Izrẹl nikẹre ni sọtẹ ma gele lae Otọ Na Ru Eyan Rẹn.