-
Gha Gbọyẹmwẹ Ye Ẹse Ọhẹ Ọghe ArrọọSọyẹnmwẹ Arrọọ Vbe Etẹbitẹ!—Iruẹmwi E Baibol
-
-
5. Ghẹ rhie ikuanegbe ne ọmọ na hanmwa
Ẹmwẹ ekharha, ẹre Devid loo ro ya gi ima rẹn wẹẹ, aro nọ ghaan ẹre Jehova ya ghee ọmọ nọ ye rre ẹko iyẹe. Tie Psalm 139:13-17, iyeke ọni, uwa ghi ziro yan inọta na:
Vbe aro e Jehova, ẹghẹ na ya suẹn gha hanmwa ọmọ, ẹre arrọọ ọghe ọmọ nii ya suẹn ra, ra vbe a gha biẹ ọre nẹ?
Uhi ne Jehova yi ne Ivbi Izrẹl nẹdẹ keghi gbogba ga ikhuo ni hanmwa kevbe emọ ni rre iran ẹko. Tie Ẹksodọs 21:22, 23, iyeke ọni, uwa ghi ziro yan avbe inọta na:
Ọmwa gha gbe ọmọ nọ rre ẹko rua, vbene ọ ma na ba ru ẹre, de aro ne Jehova ya ghee ẹre?
De aro ne uwẹ yayi wẹẹ, ọ ya ghee ọmwa nọ wa rhan aro gbe ọmọ nọ rre ẹko rua?b
Vbọ ye ruẹ hẹ vbe ekhọe, ne Jehova na ya aro nọ hin usi vbenian ghee ọmọ nọ ye rre ẹko?
Emwi eso sẹtin de rre, nọ gha ya okhuo gha roro ẹre wẹẹ, irẹn wa kpannọ ẹko ẹre ọ maan sẹ, agharhemiẹn wẹẹ ọ te ya aro nọ ghaan ghee arrọọ. Tie Aizaia 41:10, iyeke ọni, uwa ghi ziro yan avbe inọta na:
Deghẹ okhuo na gha werriẹ aro daa ọlọghọmwa nọ gha sẹtin yae kpannọ ẹko, ra deghẹ emwa na gha kpikpi ẹre nọ kpannọ ẹko, de ọmwa nọ khẹke nọ tu tie? Vbua gu kha vberriọ?
-
-
Gha Gbọyẹmwẹ Ye Ẹse Ọhẹ Ọghe ArrọọSọyẹnmwẹ Arrọọ Vbe Etẹbitẹ!—Iruẹmwi E Baibol
-
-
b Ọ ma khẹke ne emwa ni ka kpannọ ẹko nẹ, gi ekhọe iran gha fi iran uwẹnrhiẹn, ne iran do gha roro ẹre wẹẹ, e Jehova i ghi sẹtin yabọ iran. E Jehova gha sẹtin yabọ iran. Adeghẹ u hoo ne u rẹn sayọ, tie uhunmwuta na, “De Emwi Ne Baibol Khare Vbekpa Ẹko Na Kpannọ?” nọ rre abọ ọghe Ruẹ Sayọ vbe iruẹmwi na.
-