-
Gi Imuohan Ọghe Osanobua Ye Gha Ru Iyobọ NuẹnOwa Ọkhẹ (Ako Iruẹmwi)—2023 | June
-
-
6. De ikhuo eva ne ima khian guan kaẹn vbe ako iruẹmwi na?
6 Gi ima guan kaẹn emwi nọ rre ebe Itan uhunmwu ẹnrẹn 9, vbe ako na, a keghi ya ẹwaẹn kevbe ukọnmwẹ gie ikhuo eva. (Yae taa Rom 5:14; Galatia 4:24.) Zẹvbe ne ima ya guan kaẹn ẹmwẹ na, yerre wẹẹ, te agbọn Esu na wa vuọn ne uyinmwẹ alama oghẹ kevbe ughe ọghe emwa ni bannọ ruan kevbe ni ru emwi ọdọ vbe amwẹ. (Ẹfis 4:19) Rhunmwuda ọni, te ọ wa khẹke ne ima gha mwẹ imuohan ọghe Osanobua, ma ghi vbe gha lẹẹ ne emwi dan. (Itan 16:6) Nọnaghiyerriọ, ma hia fẹẹrẹ ke ikpia ke ikhuo, gha wa miẹn ere vbe ako ọghe evbagbẹn nọhuanrẹn ne ima khian ziro yan na. Ikhuo eva ne ako na guan kaẹn keghi gie na tie emwa ni ma fiẹnro, ọni ọre avbe “akpa.” Dọmwadẹ iran keghi kha wẹẹ, “larre do rri evbare mwẹ.” (Itan 9:1, 5, 6, 13, 16, 17) Sokpan alughaẹn wa rre emwi nọ ghi sunu daa emwa ne dọmwadẹ ikhuo na tie re.
-
-
Gi Imuohan Ọghe Osanobua Ye Gha Ru Iyobọ NuẹnOwa Ọkhẹ (Ako Iruẹmwi)—2023 | June
-
-
Ẹbe ẹre a lae miẹn, vba gha miẹn itie ọghe “okhuo nọ kọẹn” nii yi (Ghee okhuẹn 7)
7. Zẹvbe nọ rre ebe Itan 9:13-18, de emwi nọ sunu daa emwa ni miẹn itie ọghe okhuo nọ kọẹn nii yi? (Ghee efoto nọ rre ipapa 22.)
7 Gia guan kaẹn vbene “okhuo nọ kọẹn” nii ya tie emwa. (Tie Itan 9:13-18.) Ọ keghi tie emwa nẹi mwẹ ẹwaẹn ne iran “larre vbe uwu owa,” ne iran do rri evbare. Vbọ ghi sunu daa iran? “Uhunmwu ẹre iran ya khiẹ ọre.” U gha yerre wẹẹ, a vbe ka loo egbe ẹmwẹ vbenian nẹ vbe ebe itan. A na ya obọ sekhae ne ima, ne ima gha begbe vbe egbe okhuo nọ sakaan kevbe okhuo nọ “ku ogboi.” A vbe gi ima rẹn wẹẹ: “U gha la owa ẹre, odẹ uwu ẹre u gbẹn nii.” (Itan 2:11-19) Ebe Itan 5:3-10 vbe guan kaẹn okhuo ọvbehe nọ sakaan, ọ na wẹẹ, ọ si emwa la “eke ne iran ni wulo nẹ ye.”
-
-
Gi Imuohan Ọghe Osanobua Ye Gha Ru Iyobọ NuẹnOwa Ọkhẹ (Ako Iruẹmwi)—2023 | June
-
-
9-10. De emwi eso nọ si ẹre nọ na khẹke ne ima lẹẹ ne uyinmwẹ alama oghẹ?
9 Emwi nibun wa rrọọ nọ zẹ nọ na khẹke ne ima lẹẹ ne uyinmwẹ alama. E Baibol gi ima rẹn wẹẹ, “okhuo nọ kọẹn” nii vbe kha wẹẹ: “Amẹ na do sa, ẹre ọ rhiẹnrhiẹn sẹ.” Vbọ re “amẹ na do sa”? E Baibol ya emwi ọdọ vbe amwẹ ne ọdọ vbe amwẹ sọyẹnmwẹ ọnrẹn gie amẹ nọ furre. (Itan 5:15-18) E Baibol kpasẹ yọ ne okpia vbe okhuo nọ rọnmwẹ egbe gha sọyẹnmwẹ emwi ọdọ vbe amwẹ. Te ọna wa lughaẹn ne “amẹ na do sa.” Amẹ na do sa sẹtin gha re uyinmwẹ alama oghẹ, emwi awua wa na khin. Ẹkhokho ẹre emwa na mobọ ru egbe emwi vbenian, vbene oyi vbe ya rra vbe ẹkhokho. “Amẹ na do sa” sẹtin wa gha rhiẹnrhiẹn emwa ni do ẹre sa, katekate deghẹ iran na gha roro ẹre wẹẹ, ọmwa rhọkpa i bẹghe orukhọ ne iran ru. Te iran wa mu egbe iran ru kẹkan, rhunmwuda e Jehova bẹghe emwi hia! Emwi nọ khọ sẹ ne ọmwa do khian oghian e Jehova i rrọọ, rhunmwuda ọni emwi rhọkpa i “rhiẹnrhiẹn” vba. (1 Kọr 6:9, 10) Ẹbe nibun ọvbehe wa ye rrọọ.
10 Uyinmwẹ alama oghẹ sẹtin si ekhue, ọ sẹtin ya ọmwa gha roro ẹre wẹẹ irẹn i mwẹ esa ne irẹn ye, ọmwa sẹtin vbe mu ẹko, ọ sẹtin vbe zagha ẹgbẹe. Ma bẹghe ẹre wẹẹ, ọ ma zẹdẹ khẹke ne ima la “uwu owa” okhuo nọ kọn nii kevbe ne ima rri evbare ọghẹe. Uyinmwẹ alama oghẹ gha sẹtin ya ọmwa khian oghian e Jehova, emwa nibun ni mwẹ obọ vbọ vbe mu okpe emianmwẹ nọ ya iran wu uwu udemwurri. (Itan 7:23, 26) Ebe Itan uhunmwu ẹnrẹn 9, uviẹn ọnrẹn 18 khare wẹẹ: “Iran ni ka la owa ẹre yi, wa rre ehe ni dinmwi nian vbe Idin.” Ugbẹnvbe a miẹn wẹẹ, itie ọghe okhuo na zẹ ẹbe, vbọ ghi zẹ ne emwa nibun na ye miẹn itie ọghẹe yi?—Itan 9:13-18.
-
-
Gi Imuohan Ọghe Osanobua Ye Gha Ru Iyobọ NuẹnOwa Ọkhẹ (Ako Iruẹmwi)—2023 | June
-
-
Ọyẹnmwẹ ọyẹnmwẹ ẹre ọ khian gha sẹ ima, vbe ima gha miẹn itie ọghe “ẹwaẹn ọghe ẹmwata” yi, ma ghi vbe gha mwẹ arrọọ ọghe etẹbitẹ (Ghee okhuẹn 17-18)
17-18. Emwa ni khuẹnniẹn vbe “ẹwaẹn ọghe ẹmwata” gha tie iran, de afiangbe ne iran miẹn, de emwi ne iran ya yaro yi? (Ghee efoto nọ rre ipapa 24.)
17 E Jehova keghi loo igiemwi ọghe ikhuo eva na, ya gi ima rẹn emwi ne ima gha ru ne agbọn mieke na maan ima vbe odaro. Emwa ni khuẹnniẹn “okhuo nọ kọẹn” nii nọ talọ, keghi gualọ orhiẹnrhiẹn ọghe uyinmwẹ alama oghẹ na do ru. Ọghe ne ẹmwata, orhiẹnrhiẹn ọghe ovbi ẹghẹ kherhe, ẹre iran sọyẹnmwẹ ọnrẹn, iran i ru emwi nọ gha ya iran miẹn afiangbe vbe odaro. Vbe okiekie “ehe ni dinmwi . . . vbe Idin” ẹre iran rrie.—Itan 9:13, 17, 18.
-