5. Khọnmiotọ yan emwi ke emwi nọ gha sẹtin mu idobo yọ ne u ghẹ dinmwiamẹ

Ma gha ghi ta mu olọ yan rẹn nẹ wẹẹ, ima gha ya egbe fiohan ne Jehova kevbe wẹẹ, ima gha dinmwiamẹ, ẹi mwẹ ima ma werriẹ aro daa isievẹn. Ne u ya miẹn igiemwi ọghe ọmwa nọ werriẹ aro daa isievẹn vbenian, kpee VIDIO na, iyeke ọni, uwa ghi ziro yan inọta ni lelẹe.

E VIDIO: Ahoẹmwọmwa Na Mwẹ Ne Jehova Ẹre Ọ Ya Ọmwa Khọnmiotọ Yan Idobo Hia (5:22)

• Vbe vidio na, de isievẹn ne Narangerel la gberra nọ mieke na sẹtin ga e Jehova?

• De vbene ahoẹmwọmwa nọ mwẹ ne Jehova ya ru iyobọ nẹẹn hẹ, ya la avbe isievẹn nii gberra?

Tie Itan 29:25, NW kevbe 2 Timoti 1:7, iyeke ọni, uwa ghi ziro yan inọta na:

• De emwi nọ ya ima mwẹ udinmwẹ, nọ zẹe ighẹ ima sẹtin la isievẹn ughughan gberra?

Ọ khẹke ne amuẹtinyan ne ima mwẹ daa e Jehova wegbe sayọ nia. Zẹ ẹghẹ kọ, ne u ya gha na erhunmwu kevbe ne u ya gha tie Baibol vbe ẹdẹgbegbe. Gha yo iko vbe ẹghẹ hia. U ghaa ru vberriọ, u ghi sẹtin ya udinmwẹ werriẹ aro daa ukpokpo nọ rhirhi gha khin, ọ gha khọnrẹn nọ ke obọ emwa vbe uwu ẹgbẹe ruẹ rre. Ukọ e Pọl na wa gha zẹ kpokpo vbe ẹghẹ hia khare wẹẹ: “Nọyaẹnmwa ọrọre nọ yọ mwẹ obọ, ohan i ghi mu mwẹ.”​—Hibru 13:6.

Ma ghaa kporhu vbe ẹghẹ hia, ọ gha ya ima gha mwẹ udinmwẹ sayọ. Ikporhu keghi ya amuẹtinyan ne ima mwẹ daa e Jehova wegbe sayọ, ọ vbe ru iyobọ ne ima, ne ima ghẹ gha mu ohan emwa nagbọn. (Itan 29:25, NW) U ghaa ya udinmwẹ kporhu nia, ọ gha ru iyobọ nuẹn, ne u ye gha kporhu, uhiẹn vbe arriọba gha mu awua ye iwinna ima.​—1 Tẹsalonaika 2:2.