• Vbene Jehova Ya Ru Iyobọ Ne Ima, Ne Ima Mieke Na Ye Gha Sọyẹnmwẹ Vbe Ima Ghaa Zin Egbe Edanmwẹ
    Owa Ọkhẹ (Ako Iruẹmwi)—2022 | November

    • E JEHOVA MA IMA EMWI

      8. De vbene emwi nọ rre ebe Aizaia 30:20, 21 ya sunu vbe ẹghẹ nẹdẹ?

      8 Tie Aizaia 30:20, 21. Vbe ivbiyokuo e Babilọn gbe okin lẹga Jerusalẹm vbe ukpo ọkpa vbe ukhiọnmwẹ, oya ne iran re wegbe sẹrriọ wẹẹ, ọ na ghi do gu iran egbe ro vbe na ghee evbare kevbe amẹ. Sokpan zẹvbe ne uviẹn 20 kevbe 21 khare, e Jehova keghi tama Ivbi e Ju wẹẹ, irẹn gha ru iyobọ ne iran deghẹ iran na fi werriẹ. Ne Aizaia na gie Jehova zẹvbe “Ọmamwaemwi Nọ Sẹre,” te ọ ghaa kha wẹẹ, e Jehova gha ma Ivbi Izrẹl odẹ nọ khẹke ne iran ya gha ga irẹn. Ẹghẹ na ya fan Ivbi Izrẹl vbe imu ẹre emwi ne Aizaia tae na ya sunu. Ọmamwaemwi Nọ Sẹre ẹre Jehova gele wa gha khin ne iran, te ọ wa gele ru iyobọ ne iran ya sẹtin dọlegbe suẹn ugamwẹ ẹmwata. Egie nọkhua ẹre ima wa ye, ne ima na mwẹ e Jehova zẹvbe Ọmamwaemwi Nọ Sẹre.

  • Vbene Jehova Ya Ru Iyobọ Ne Ima, Ne Ima Mieke Na Ye Gha Sọyẹnmwẹ Vbe Ima Ghaa Zin Egbe Edanmwẹ
    Owa Ọkhẹ (Ako Iruẹmwi)—2022 | November

    • 10. De odẹ ne ima ya “họn urhu [Osanobua] vbe odẹ iyeke”?

      10 Aizaia vbe guan kaẹn odẹ ọvbehe ne Jehova ya ma ima emwi, ọ wẹẹ: “U gha họn urhu ẹre vbe odẹ iyeke.” Vbe ako na, Aizaia keghi gie Jehova zẹvbe ọmamwaemwi nọ lele ivbi esuku ọghẹe dee vbe odẹ iyẹke, nọ gie odẹ ma iran. Vbe ẹdẹnẹrẹ, ma wa họn urhu Osanobua vbe odẹ iyeke. Odẹ vbo? Ọ kpẹẹ re na ghi gbẹn Ẹmwẹ Osanobua, rhunmwuda ọni, ma ghaa tie Ẹmwẹ Ọghe Osanobua, ọ ghi yevbe na miẹn wẹẹ, te ima họn urhu Osanobua vbe odẹ iyeke ima.​—Aiz 51:4.

      11. De emwi eso nọ khẹke ne ima ru, ne ima mieke na sẹtin gha sọyẹnmwẹ vbe ima ghaa zin egbe edanmwẹ, kevbe wẹẹ vbọzẹ?

      11 De vbene ima gha ya miẹn ere vbe emwi ne Jehova ya otu ọghẹe kevbe Ẹmwẹ ọghẹe ma ima re? Emwi eva ẹre Aizaia guan kaẹn vbe ako na. Nokaro, ọ na wẹẹ, “wa ghee odẹ.” Nogieva, “wa lelẹe.” (Aiz 30:21) Vbọ gberra na wa rẹn nene “odẹ,” ọ vbe khẹke na gha “lelẹe.” Ẹmwẹ Ọghe Osanobua kevbe odẹ ne otu e Jehova ya rran otọ ọre, wa ya ima rẹn emwi nọ khẹke ne ima gha ru. Erriọ ima vbe ruẹ vbekpa vbene ima khian ya gha rhie emwi ne ima ruẹ ye uyinmwẹ. Zẹvbe ne ima ya ga e Jehova, ọ khẹke ne ima gha ru emwi eva na, ne ima mieke na sẹtin ye gha sọyẹnmwẹ vbe ima ghaa zin egbe edanmwẹ. Ma gha ru vberriọ, ma gha wa miẹn afiangbe ọghe Jehova.