15, 16. (a) De avbe eyan ne kpataki ni rre ebe Habakọk? (b) Vbe ima miẹn ruẹ vbọ?

¹⁵ E Jehova keghi yan rẹn wẹẹ: “Emwa ata gha di agbọn ya rhunmwuda iran mudia ke Osanobua” kevbe wẹẹ, irẹnmwi vbe “uyi Osanobua gha vuọn agbọn na hia zẹ vbene amẹ vuọn olokun.” (Hab 2:4, 14) Vbene ẹmwata, Osanobua gha ya arrọọ ọghe etẹbitẹ fiangbe emwa ni mu ẹtin yan rẹn.

17. De ilẹkẹtin ne ebe Habakọk rhie ne ima?

¹⁷ Ma hia ni rrọọ vbe ẹdẹnẹrẹ gha miẹn emwi kpataki ruẹ vbe ebe Habakọk. E Jehova gha ya arrọọ ọghe etẹbitẹ fiangbe emwa ni mu ẹtin yan irẹn. Nọnaghiyerriọ, gia amuẹtinyan ọghe ima gha wegbe sayọ vbuwe ọlọghọmwa ne ima rhirhi gha ye. E Jehova ru iyobọ ne Habakọk, ọ gha vbe ru iyobọ ne ima. Osanobua hoo ne ima ya izinegbe gha diakhẹ ẹghẹ ne irẹn khian ya mu Arriọba ọghẹe gbọọ vbe uhunmwu otagbọn na. Vbe ẹghẹ nii, emwa ọmẹhẹ ghi gha sọyẹmwẹ vbe agbọn ne mose mose.—Mat 5:5; Hib 10:36-39.