• “Osanobua I Gbe Ewanmwẹ Ghee Obọ Ọkpa”
    ‘Gha Ta Ẹmwẹ Arriọba Osanobua Ma Emwa Ẹsẹsẹmwẹse’

    • 1-3. De umian ne Pita miẹn? Vbọzẹ nọ na khẹke ne ima rẹn emwi ne umian nii demu?

      UKPO 36 C.E. ghaa nọ. E Pita kegha rre ẹvbo ọkpa na tie ẹre Jọpa, nọ re ẹvbo ne okọ ẹzẹ na kun sie. Ọ ghi rre ẹdẹ ọkpa, e Pita kegha na erhunmwu vbe odukhunmwu owa, ovẹn na gha rhie muẹn. Na kha na, ikpẹdẹ eso ẹre ọ he ye nọ ke rre owa okpia ọkpa na tie ẹre Saimọn; ọkpẹn okun ẹre owa na ghaa ye. Ne Pita na dia owa okpia na ya rhie ẹre ma wẹẹ, ẹ i ya aro gbe ọmwa rhọkpa re, rhunmwuda, ọsohian ẹre okpia na ghaa khin; ẹ i re Ivbi e Ju hia ẹre ọ khian sẹtin dia owa ọmwa vberriọ ya.a Vbọrhirhighayehẹ, e Jehova ye gha hoo nọ ma e Pita emwi eso ne kpataki, nọ gha yae rẹn wẹẹ, irẹn i gbe ewanmwẹ ghee obọ ọkpa.

  • “Osanobua I Gbe Ewanmwẹ Ghee Obọ Ọkpa”
    ‘Gha Ta Ẹmwẹ Arriọba Osanobua Ma Emwa Ẹsẹsẹmwẹse’

    • a Ivbi e Ju eso i ya aro nọ maan ghee avbe ọsohian, rhunmwuda, ohian ọghe avbe aranmwẹ ẹre iran ya winna, iran vbe ya obọ mu avbe aranmwẹ ni wulo kevbe emwi nibun ọvbehe ne iran ya winna, ni sọnnọ Ivbi e Ju. Ivbi e Ju ghee ẹre wẹẹ, ọ ma zẹdẹ khẹke ne avbe ọsohian fi owẹ la ọgua Osa. Iran vbe ghee ẹre wẹẹ, te ọ khẹke ne eke ne avbe ọsohian na do ẹki iran gha rree ne orere ẹvbo, ọ ghi gberra ibata 70 (ra emita 20) nọ ya khian fua. Ọ gha kẹ, ọna rre usun emwi nọ si ẹre ne owa e Saimọn na gha rre “ọkpẹn okun.”​—Iwinna 10:6.