-
“Osanobua Nọ Khaevbisẹ Ẹre Ima Gha Họn Ẹmwẹ Na”‘Gha Ta Ẹmwẹ Arriọba Osanobua Ma Emwa Ẹsẹsẹmwẹse’
-
-
7, 8. De iyobọ nọ ghaa ye ne avbe ukọ, vbe odibosa ghi tama iran emwi ne iran gha ru? De ọta nọ ghi khẹke ne ima nọ egbe ima ẹre?
7 Vbe ẹghẹ ne avbe ukọ ya gha rre eghan vbe a ma he bu ohiẹn iran, iran sẹtin gha roro ẹre wẹẹ, te eghian iran khian ghi gbe iran rua rhunmwuda emwi ne iran yayi. (Mat 24:9) Sokpan, vbọ ghi rre ẹghẹ asọn, emwi na ma zẹdẹ ya aro yi keghi sunu. “Odibo e Jehova keghi kie avbe urho eghan nii rua.”b (Iwinna 5:19) Odibosa nii na tama iran emwi ne iran gha ru, ọ na wẹẹ: “Wa . . . ya mudia ye ọgua Osa, ne uwa ye gha [gu emwa guan].” (Iwinna 5:20) Ẹ i mwẹ, ẹmwẹ ne odibosa nii tama iran ma rhie ilẹkẹtin ne iran wẹẹ, emwi nọ khẹke ẹre iran ghaa ru. Ẹ i mwẹ ọ ma vbe rhie orhiọn ye iran iwu, ne iran ye gha kporhu agharhemiẹn wẹẹ, iran miẹn ukpokpo. Rhunmwuda ne avbe ukọ na gha mwẹ amuẹtinyan nọ wegbe kevbe udinmwẹ, “iran kegha rrie ọgua Osa vbe ẹdẹ ghi gbe, iran na suẹn gha ma emwa emwi.”—Iwinna 5:21.
-
-
“Osanobua Nọ Khaevbisẹ Ẹre Ima Gha Họn Ẹmwẹ Na”‘Gha Ta Ẹmwẹ Arriọba Osanobua Ma Emwa Ẹsẹsẹmwẹse’
-
-
b Odẹ igba 20 ẹre ebe Iwinna ya unu kaẹn ẹmwẹ na ighẹ odibosa ra odibo. Vbe uwu igba 20 na, ọna ọre nokaro vbọ. Vbe ẹghẹ na ya guan kaẹn avbe odibosa vbe ebe Iwinna 1:10, a ma tie iran avbe odibosa, sokpan, a na tie iran “ikpia eva ni yọ ẹwu nọfua.”
-