-
“Ọ Na Gha Kporhu Iyẹn Nọ Maan . . . Vbekpa E Jesu”‘Gha Ta Ẹmwẹ Arriọba Osanobua Ma Emwa Ẹsẹsẹmwẹse’
-
-
3. (a) Gha re Filip? (b) Vbọzẹ ne Sameria na gha mwẹ ako nibun na ma he kporhu sẹ? De emwi ne Jesu ta yotọ vbekpa e Sameria?
3 Ọkpa vbe usun “emwa iyayi ni zagha lele ehe ughughan” ẹre Filip ghaa khin.a (Iwinna 8:4; ya ghee ẹkpẹti nọ khare wẹẹ, “E Filip ‘Nọ Kporhu Iyẹn Nọ Maan.’”) Ọ kegha rrie Sameria. Vbe ẹghẹ na kha na, a ma he mobọ kporhu vbe Sameria, rhunmwuda, ọ ghaa mwẹ ẹghẹ ne Jesu ya tama avbe ukọ ẹre wẹẹ: “Wa ghẹ . . . fi owẹ la ẹvbo Ivbi e Sameria rhọkpa; sokpan, wa ye gha gualọ avbe ohuan ni wiri, ni rre igiowa ọghe Izrẹl.” (Mat 10:5, 6) Vbọrhirhighayehẹ, Jesu rẹnrẹn wẹẹ, ẹdẹ ghaa rrie ẹdẹ, iwinna ikporhu gha wa da otọ vbe Sameria, rhunmwuda, ọ ke kpa gha rrie ẹrinmwi, ọ na tama erhuanegbe ẹre wẹẹ: “Wa ghi ya sẹ osẹ mẹ vbe Jerusalẹm, vbe otọ e Judia hia, kevbe Sameria, uhiẹn ya sẹ ehe nọ ghi rree sẹ vbe agbọn na.”—Iwinna 1:8.
-
-
“Ọ Na Gha Kporhu Iyẹn Nọ Maan . . . Vbekpa E Jesu”‘Gha Ta Ẹmwẹ Arriọba Osanobua Ma Emwa Ẹsẹsẹmwẹse’
-
-
a E Filip na guan kaẹn na lughaẹn ne ukọ ighẹ e Filip. E Filip na kha na ẹre a guan kaẹn vbe Uhunmwuta 5 vbe ebe na, nọ ghaa rre usun “ikpia ihinrọn . . . na ta ẹmwẹ ọnrẹn ẹse,” na zẹ nọ gha ghae evbare ne ikhuo ni dẹgbẹe ni rre uwu ẹbu iran ni zẹ e Grik kevbe ni zẹ e Hibru, vbe ẹdẹgbegbe.—Iwinna 6:1-6.
-