EMWI EWE NI RRE UWU ẸMWẸ ỌGHE OSANOBUA | AIZAIA 1-5
‘Uwa Gima Gha Rrie Uhunmwu Oke Ọghe Jehova’
2:2, 3
‘Vbe ẹdẹ okiekie’ |
Ọni ọre ẹghẹ ne ima ye na |
‘Uhunmwu oke ọghe owa e Jehova’ |
Ọni ọre ugamwẹ e Jehova nọ hianrẹn |
‘Agbẹnvbo hia ghi gha bi la rọ’ |
Emwa ni miẹn ugamwẹ nọ hianrẹn yi ghi gha mwẹ akugbe |
‘Uwa larre, uwa gima gha rrie uhunmwu oke ọghe Jehova’ |
Emwa ni ga Osanobua vbe odẹ ọghe ẹmwata keghi tie emwa ọvbehe ba egbe |
‘Ọ gha ma ima odẹ ọghẹe, ma ghi vbe lele ukpowẹ ọghẹe’ |
E Jehova keghi loo ẹmwẹ ọghẹe ya ma ima emwi, ne ima mieke na rẹn odẹ ọghẹe ya lele |
2:4
‘Amaiwẹ te iran khian ghi dọlegbe ruẹ vbene a ya khọn okuo hẹ’ |
Aizaia keghi giẹre vbene emwa khian ya ye emadogua ọghe okuo khian emadogua na ya gbe ugbo hẹ, nọ rhiema wẹẹ te emwa ọghe Jehova khian gha gualọ ọfunmwegbe. De emadogua na ghaa loo vbe ẹghẹ ọghe Aizaia? |
‘A gha ya umozo khian ẹguẹ’ |
Ẹguẹ keghi re emadogua na ya gua uvun. Eso keghi re ọghe ematọn.—1 Sam 13:20 |
‘A gha ya asoro khian abẹkpẹn’ |
Abẹkpẹn keghi re ematọn nọ si ukpẹ kuẹn nọ mwẹ uze. Emadogua na ẹre emwa ya gha gia ebe ọghe erhan ohọ.—Aiz 18:5 |