Ke uki ọghe September kpa, emwamwa ọgbọn na khian ya gha kporhu nọ mwẹ uhunmwuta nọ khare wẹẹ “Gi Emwa Rẹn Ne Ẹmwata” gha ladian vbe Ebe Iwinna Na Loo Vbe Ne Iko Uyinmwẹ Kevbe Iwinna Ọghe Ima. Emwi ne ima gu ladian vbe ikporhu ọre ne ima ma emwa ẹmwata nọ rre Baibol lekpae inọta ọkpa ne ima khian nọ kevbe ako ọghe evbagbẹn nọhuanrẹn.

Ma gha bẹghe wẹẹ ọmwa mwẹ ẹkorhiẹnrhiẹnmwẹ, ma sẹtin sẹ ebe ọkpa rae, ra ma sẹtin vbe kpee vidio nọ rre jw.org nọ mieke na gha kpẹho khẹ otuẹ ọvbehe ne ima khian werriegbe mu rre. Ma ghi hia nẹ ghẹ kpẹẹ gbe, a te miẹn wẹẹ ima werriegbe gha khian ya gu ọmwa nọ mwẹ ẹkorhiẹnrhiẹnmwẹ ziro sayọ. Odẹ na ya kporhu ọghe ọgbọn na kevbe avbe ọta ne etẹn ni mwẹ obọ vbe abọ ọghe owebe khian ya guan, keghi hẹnhẹn egbe yan agbẹmwẹ ọrriẹ nọ rre omuhẹn ọghe dọmwadẹ uhunmwuta nọ rre ne ebe What Can the Bible Teach Us? Ma gha vbe miẹn avbe inọta ọvbehe kevbe evbagbẹn nọhuanrẹn vbe ebe na, ne ima gha sẹtin loo, vbe atuẹ werriegbe ra vbe Baibol na gu ọmwa ruẹ.

Odẹ ọkpa kẹkan ẹre ọ su rrie arrọọ. (Mat 7:13, 14) Ugbẹnvbe a miẹn wẹẹ emwa ughughan ẹre ima kporhu ma, te ọ khẹke ne ima gie dọmwadọghẹ vbe iran rẹn vbekpa ẹmwata nọ rre uwu e Baibol nọ gha mu iran ekhọe. (1 Tim 2:4) Zẹvbe ne ima ya loo ẹre vbe ẹghẹ hia ighẹ avbe uhunmwuta nọ hẹnhẹn egbe yan e Baibol kevbe zẹvbe ne ima ya guẹ sayọ vbe nọ dekaan na “ma emwa ẹre ẹse ighẹ ẹmwata Osanobua,” ma ghi gha mwẹ ọyẹnmwẹ sayọ kevbe iwinna imamwaemwi ọghe ima ghi biẹ ọmọ esi.—2 Tim 2:15.

Emwa hia keghi gualọ ifuẹko. (Asan 4:1) Vbe uki ọghe September, ma gha wa hia ẹsẹsẹmwẹse ne ima rhiẹre ladian ighẹ The Watchtower nọ guan kaan ifuẹko. Wa gie ima hia ne ebe iyẹn na sẹ emwa nibun obọ. Rhunmwuda wẹẹ ima hoo na gu ọmwa guan ghee mwẹ ghee ruẹ, na mieke na rhie ifuẹko ne iran, ma i khian sẹ ebe ima rae ye owa ne ima ma na miẹn emwa.

ẸMWẸ NA KHIAN TA

“Ma hia keghi gualọ ifuẹko vbe ugbẹnso. Sokpan de eke ne ima khian na miẹn ọnrẹn? [Tie 2 Kọrinti 1:3, 4.] E Watchtower na keghi guan kaan vbene Osanobua ya rhie egbe ifuẹko vberriọ ne ima hẹ.”

Adeghẹ ọ na gha mwẹ ẹkorhiẹnrhiẹnmwẹ kevbe ọ na miẹn ne ebe iyẹn yi, . . .

KPEE ẸRE MA RẸN IGHẸ NE VIDIO VBỌZẸ NA GHA NA RUẸ E BAIBOL?

Iyeke ọni, tama rẹn vbekpa e Baibol ne ima gu emwa ruẹ.

GBE ẸYOTỌ ỌGHE ATUẸ WERRIEGBE

Fi inọta ọkpa fua ne u gha rhie ewanniẹ yi vbe u gha werriegbe rre, vbe na ghee “Vbọsiẹ ne Osanobua na kue ne ima gha sẹ usẹ?”