Etẹn Nikhuo Ni Ru Nagban

1. Sera kevb’Ẹsta, Meri, Rut, Rebeka—

Ikhuo ni ru nagban ẹre na hia khin.

T’iran wa rhiegbe y’ugamwẹ ọgh’Osa.

Ma wa rẹn eni ọghe ’so vb’ikhuo na.

Nibun rrọọ ni vbe gha mwọnyinmw’esi,

Sokpan eniọgh’iran ma ladian vbe Baibol.

2. Avb’ikhuo na guan kaẹn na wa rhiẹre ma,

Uyinmw’ahoẹmwọmwa kevbe ’kh’itohan.

Iran vbe gha mwẹ ’koata kevb’udinmwẹ.

Okha ọgh’iran wa rhi’ ’giọdu n’ima.

Wa ne ’tẹn nikhuo ni rrọọ vb’ẹghẹ na,

Wa keghi rhiẹre ma, egb’uyinmwẹ vberriọ.

3. Wa ne ’tẹn nikhuo, ma wa rhie ’tian n’uwa.

Ma wa bẹgh’iwinna nọ maan n’uwa ru.

Wa keghi mwẹ ’giọdu kevb’amuẹtinyan.

Wa keghi vbe muegberriotọ vb’ẹghẹ hia.

Etẹn nikhuo, Jehova gu ’wa rrọọ,

K’ẹghẹ n’ima ye na, ya fiẹdẹdẹmwẹdẹ.