EMWI EWE NI RRE UWU ẸMWẸ ỌGHE OSANOBUA | MATIU 12-13
Erre Ọghe Ọka Kevbe Irunmwu
Te Jesu zẹ erre ọghe ọka kevbe irunmwu, ne ọ ya gi ima rẹn vbene irẹn khian ya hannọ iran zẹ kevbe vbene irẹn khian ya si iran koko hẹ ighẹ emwa ni khian gu irẹn kha kevbe ẹghẹ ne irẹn khian ya ru vberriọ; ukpo 33 C.E ẹre ọ suẹn gha hannọ iran zẹ.
‘Okpia ọkpa keghi kọ ọka ye ugbo ọghẹe’
Okpia nọ kọ ọka: Jesu Kristi
A kọ emwi okọ nọ maan: Ẹghẹ ne a ya ye orhiọn nọhuanrẹn hannọ erhuanegbe Jesu zẹ
Ugbo na kọ ọka yi: Agbọn na
“Vbe emwa hia ghi vbiẹ, oghian rẹn keghi rre do kọ irunmwu yọ”
Oghian: Esu
Emwa hia ghi vbiẹ: Ẹghẹ ne avbe ukọ ya wulo
“Wa gie ọka kevbe irunmwu gba gha waan khian ọ te ya sẹ ẹghẹ emwiorhọ”
Ọka: Ivbiotu e Kristi na hannọ zẹ
Irunmwu: Emwa ata iyayi
“Wa ka vbọlọ avbe irunmwu ni rrọọ nẹ . . . ; wa ke ya si ọka ni rrọọ koko”
Eviẹn/iran ni rhọ emwiorhọ: Avbe Odibosa
A vbọlọ irunmwu: A wannọ emwa ata iyayi hin uwu ẹbu Ivbiotu e Kristi na hannọ zẹ rre
A si ọka koko ye aza: A si Ivbiotu e Kristi na hannọ zẹ koko ye iko ọgbọn na mu gbọ
De emwi nọ ya Ivbiotu e Kristi ọghe ẹmwata lughaẹn ne emwa ata iyayi vbe ẹghẹ ne a ya suẹn gha rhọ emwiorhọ?
De ere ne I khian miẹn vbe erre na deghẹ I na rẹn otọre?