Etẹn Ni Rre Iko Ọghe Ivbiotu E Kristi Na Da Mu Gbọọ Keghi Werriẹ Aro Daa Edanmwẹ

6:1-7; 7:58–8:1

Ikhuo ni dẹgbẹ ni zẹ urhu e Grik ni da dinmwiamẹ keghi gbe gberra ẹghẹ ne iran te yaro yi wẹẹ iran khian gbe vbe Jerusalẹm; etẹn eso vbuwe iko ma gha ya obọ nọ maan mu iran. De emwi ne ikhuo ni dẹgbẹ na ghi ru? Te iran ghi rhunmwuda ọni kha wẹẹ iran i ghi ga e Jehova ra, ra iran zin egbe ne Jehova zuze ye ẹmwẹ na?

Vbe eghian ghi ya ugbe gbe Stivin rua nẹ, etẹn ni rre Jerusalẹm keghi lẹẹ gha rrie ehe ughughan vbe Judia kevbe Sameria rhunmwuda ukpokpo nọ wegbe ne iran ghaa werriẹ aro daa. Te ọna ghi si iran ghee iyeke vbe odẹ ọghe orhiọn ra?

E Jehova keghi ru iyobọ ne etẹn ni rre iko ọghe Ivbiotu e Kristi na da mu gbọọ, ne iran gha mwẹ ẹbo izinegbe kevbe ne iran gha muan yọ.—Iwinna 6:7; 8:4.

NỌ EGBUẸ, ‘De emwi ne imẹ ru, vbe I ghaa werriẹ aro daa edanmwẹ?’