Vbene A Ya Nọ Ọta Hẹ

Matiu 16:13-16

UHUNMWU ẸMWẸ: Gha ya ẹwaẹn nọ ọta, ne emwa mieke na danmwehọ, ne u mieke na sẹtin gu emwa ne u gu guan ziro, kevbe ne u mieke na sẹtin niania avbe uhunmwu ẹmwẹ ne kpataki.

VBENE A YA RU ẸRE HẸ:

• Ta ẹmwẹ nọ gha gua emwa kpa ne iran ya danmwehọ ẹsẹsẹmwẹse. Nọ ọta nọ gha ya ọmwa mu emwi ne u ta roro, ra nọ ya ọmwa mwẹ ẹkorhiẹnrhiẹnmwẹ.

• Rhan otọre ighẹ uhunmwuta ne u guan yan. Loo inọta ughughan ya ru iyobọ ne emwa ni danmwehọ ruẹ, ne iran mieke na rẹn eke ne ẹmwẹ rrie kevbe eke nọ ke dee.

• Niania avbe uhunmwu ẹmwẹ ne kpataki. Nọ ọta ne emwa gha mwẹ ẹkorhiẹnrhiẹnmwẹ yi, ne u ya muẹn so ighẹ ẹmwẹ ne u khian ziro yan. U ghi vbe nọ ọta ọghe ogbewerriẹ ya muẹn sẹ ufomwẹ.