EMWI EWE NI RRE UWU ẸMWẸ ỌGHE OSANOBUA | ROM 9-11
Erre Ọghe Erhan Oliv
De emwi ne dọmwadẹ abọ ọghe erhan oliv ọghe orhiọn na demu?
Erhan oliv: ọni ọre emwamwa ọghe Osanobua nọ dekaan ile ne ọ gu Ebraham ta nọ suẹn gha mwẹ amusẹ nẹ
Ke ẹzi erhan ọghe oliv nii ya mu eke nọ na zẹlẹ abọ: ọni ọre Jesu nọ re abọ nokaro vbe emọ ọghe Ebraham
Avbe abọ erhan: ọni ọre emwa hia ni re abọ nogieva vbe emọ ọghe Ebraham
Abọ erhan na “gia” kua: ọni ọre Ivbi e Ju ni ma miẹn Jesu yi
Abọ erhan na ghi do “mama” ginna erhan oliv: ọni ọre Ivbiotu e Kristi na hannọ zẹ ni ke agbẹnvbo ughughan rre
Zẹvbe ne a tae yotọ, emọ ọghe Ebraham—nọ re Jesu kevbe arhunmwu 144,000 na hannọ zẹ—gha rhie afiangbe gie “iran ne ẹi re Ju,” ọni ọre emwa ni ke agbẹnvbo ughughan rre.—Rom 11:12; Gẹn 22:18
De emwi ne I ruẹ re vbekpae Jehova, vbe odẹ ne ọ ya mu eyan ne ọ ru vbekpae emọ ọghe Ebraham sẹ?