E Jehova Hoẹmwẹ Emwa Nẹi Gbiruẹn

“Ya kpe obọ ruẹ. Ya kpolo. Ya mu iku kua.” Ena keghi re odẹ eso ne evbibiẹ emọ ya tama ivbi iran wẹẹ, ọ ma khẹke ne iran gha gbiruẹn. Vbọrhirhighayehẹ, adia ne Jehova rhie ne eguọmwadia re vbe ẹghẹ nẹdẹ rhiẹre ma wẹẹ, irẹn ma hoo ne ima rhọkpa gha gbiruẹn. (Ẹks 30:18-20; Diut 23:14; 2 Kọr 7:1) Ma keghi rhie uyi gie Jehova deghẹ egbe ima kevbe emwi hia ne ima mwẹ na gha re nọhuanrẹn. (1 Pit 1:14-16) De vbene ọ khẹke ne owa ima kevbe ẹdogbo ọghe ima gha ye hẹ? Ma ne Ivbiotu e Kristi i filo iku ye ehe ne ima rhirhi miẹn vbene emwa eso ru ẹre, sokpan, ma keghi hia ne ima gha dọlọ ẹdogbo ne ima ye yi. (Psm 115:16; Arhie 11:18) Emwi eso ne ima ru keghi rhiẹre ma deghẹ emwa ni huanrẹn ẹre ima gele khin. Vbe igiemwi, ma gha rri isaẹwẹ nẹ, vbe ima ru ibobo ẹre hẹ? Te ima filo emwi na ya gbalọ e swit kevbe biskit ne ima re ye ehe ne ima rhirhi miẹn ra? Te ọ khẹke ne ima “gha rhiẹre ma wẹẹ eguọmwadia Osanobua ma khin” vbe emwi hia ne ima ru.—2 Kọr 6:3, 4.

GHEE VIDIO NỌ MWẸ UHUNMWUTA NỌ KHARE WẸẸ OSANOBUA HOẸMWẸ EMWA NẸI GBIRUẸN, VBE IYEKE ỌNI, A GHI RHIE EWANNIẸN YE AVBE INỌTA NA:

• De emwi ne emwa eso wẹẹ, ẹre ọ si ẹre ne emwi iran na gbiruẹn?

• De vbene Uhi e Mosis ya ya ima rẹn aro ne Jehova ya ghee emwa ni gbiruẹn?

• De emwi nọ khian ya emwa gha lekpae ima rhie uyi gie Jehova, ọ gha khọnrẹn wẹẹ ima ma kporhu ma iran?