Erhunmwu Ọghe Ekpọnmwẹ

1. Jehova, ma rhie ’kpọnmwẹ vb’urhomwẹ nuẹ.

Lahọ vbavba, ma bu ruẹ rre vbe ’rhun’.

Ma gha wa y’ekhọe hia ga ruẹ s’ufomwẹ.

Ma wa rẹn w’u gha gbaroghe ’mwa ruẹ.

Ma keghi ruemwi nọ ma gba vb’ẹghẹ hia.

Lahọ ma rinmwia ruẹ nu yab’ima.

U ruẹse nu na d’ima hia werriegbe.

U ruẹse nu na mwẹ ’tohan gh’ima.

2. Osa nọ mw’ahoẹmwọmwa ẹr’uwẹ khin.

Ma wa kpọnmwọ nu na si ’ma kẹ ’gbe.

Ma hoo n’ima rhiegbe y’ugamwẹ ọghuẹ.

Ma hoo n’ima y’ekhọe ’mwata ga ruẹ.

Ma wa kpọnmwọ y’orhiọn nọhuanrẹn ọghuẹ,

Nọ gu’ima kpa ya kporhuiyẹn nọ maan.

Ma muegberriotọ vb’odaruẹkete ruẹ;

Ma rhie ’kpọnmwẹ nuẹ Osa ne ’rha mwa.