Osẹe Jehova Ẹre Ima Khin!

1. Emwa nibun bibiodẹ;

Iran wa yegbe fiohan

N’avb’ẹbọ ughughan,

Nẹi mw’arrọọ hiehie.

Avb’osa n’iran wa ga

Khian zẹdẹ mi’emwi fiangbua.

Te ’mwa vberriọ gele muẹghẹ rria.

T’ẹbọ ’gh’iran khian wa guọghua.

2. Eguọmwadia ọgh’Osa

Wa kporhu vb’otagbọn hia.

Iran wa yae wewe,

Arriọba ’gh’Osa.

Iran ruiyobọ ne ’mwa

Nibun ne ’su wa mu gba.

Te ’mwa vberriọ ghi wa sọyẹnmwẹ,

Kobe n’iran ya miẹn ’mwata.

3. Ọ khẹke na yae wewe,

Ẹd’ibuohiẹn ọgh’Osa.

Ẹdẹ nọ wegbe nọ;

Ọ wa sotọ nẹ.

Ẹkpotọ kie ne ’mwa hia,

N’iran do g’e Jehova.

Emwa hia ni rr’od’ọgh’ẹmwata,

Gha mianfiangbe kevb’imiẹnfan.