Emwa Ni Rre Otagbọn Hia Kegha Zẹ Urhuẹvbo Ọkpa

11:1-4, 6-9

Emwa eso kegha bọ owa nọkhua vbe Babẹl, ẹre Jehova na fi urhuẹvbo ọghe iran werriẹ, iran na ghi zagha gba uhunmwu otagbọn hia. E Jehova keghi si oghẹn ne gbii koko vbe ẹdẹnẹrẹ, iran na keghi re emwa ni ke agbẹnvbo ughughan rre kevbe ni zẹ urhuẹvbo ughughan. E Jehova keghi vbe ru ẹre ne iran gha zẹ “urhuẹvbo nọhuanrẹn” ne iran mieke na gha gae vbuwe akugbe. (Zẹf 3:9, NW; Arhie 7:9) “Urhuẹvbo nọhuanrẹn” na keghi re ẹmwata nọ rre Evbagbẹn Nọhuanrẹn nọ dekaẹn Jehova kevbe emwamwa ọghẹe.

Ne a do ruẹ urhuẹvbo ọgbọn gberra ne a rẹn ẹmwẹ ughughan ne a loo vbe urhuẹvbo nii ye uhunmwu, te ọmwa gha hia ne ọ gha roro emwi vbe na ghee emwa ni zẹ urhuẹvbo ne ọ hoo ne ọ ruẹ. Erriọ vbe ye, vbene ima ya ruẹ urhuẹvbo nọhuanrẹn, erriọ ẹre iziro ọghe ima vbe ya fi werriẹ. (Rom 12:2) Sokpan, ọna i re iwinna ẹdẹ ọkpa, te ima khian gha ru afiwerriẹ na khian ne akugbe mieke na gha rre uwu ẹkpo ima zẹvbe ne ima ya ga Osanobua.—1 Kọr 1:10.