EMWI EWE NI RRE UWU ẸMWẸ ỌGHE OSANOBUA | GẸNẸSIS 29-30

E Jekọb Keghi Rhie Okhuo

29:18-28

Ọdọ vbe amwẹ ọkpa gha gu egbe guan, iran da egbe obọ yi, iran vbe tota sikẹ egbe. E Baibol ne a wee yotọ rre ọkpẹn eke ne iran tota yi.

E Jekọb ma rẹn edanmwẹ ne irẹn khian werriẹ aro daa vbe odaro rhunmwuda orọnmwẹ. Te Rekiẹl vbe Lia wa gha khẹko egbe. (Gẹn 29:32; 30:1, 8) Agharhemiẹn wẹẹ, e Jekọb miẹn edanmwẹ ughughan, ọ na ye gha mwẹ ilẹkẹtin wẹẹ, e Jehova gu irẹn rrọọ. (Gẹn 30:29, 30, 43) Ọ ghi sẹ ẹghẹ, Ivbi e Jekọb keghi do khian agbẹnvbo ọghe Izrẹl.—Rut 4:11.

Emwa ni ru orọnmwẹ vbe ẹdẹnẹrẹ gha vbe werriẹ aro daa isievẹn nibun. (1 Kọr 7:28) Sokpan, adeghẹ iran na mu ẹtin yan e Jehova, iran na vbe gha ye ilele ni rre Baibol ru emwi, iran gha sẹtin musọe vbe orọnmwẹ ọghe iran, iran ghi vbe gha mwẹ oghọghọ.—Itan 3:5, 6; Ẹfis 5:33.