IRUẸMWI 12

Ẹnina Kevbe Amuroro

1 Tẹsalonaika 2:7, 8

UHUNMWU ẸMWẸ: Gha guan zẹvbe ọmwa nọ gele mwẹ amuroro kevbe ahoẹmwọmwa.

Gha mu ẹmwẹ iran ni khian danmwehọ ruẹ roro. Gha roro kaan ọlọghọmwa ne iran werriẹ aro daa. U ghi vbe roro vbene emwi ye iran hẹ vbe ekhọe.
Roro ẹmwẹ ne u khian ta ẹse. Ta ẹmwẹ nọ gha rhie ifuẹko kevbe aguakpa ne emwa ni danmwehọ ruẹ. Ghẹ ta ẹmwẹ nọ gha sọnnọ iran. Ghẹ gha ya unu kpamisikan ku emwa ne ẹi re Osẹe Jehova, ra ne u gha ya unu muẹn rhia ighẹ emwi ne iran yayi ke otọ gha dee.
Rhiẹre ma wẹẹ u mwẹ ẹmwẹ iran vbe ekhọe. Gha loo urhu ne khuẹrhẹ, u vbe gha gbe ekhakha vbe odẹ nọ khẹke, ne u ya rhiẹre ma wẹẹ u hoẹmwẹ emwa ni danmwehọ ruẹ. Gi aro ruẹ gha maan vbe uhunmwu. Gha muẹnmuẹn ogiẹ vbe ẹghẹ hia.

Ọ khẹke ne u gha tie ebe vbe odẹ nọ gha gua ọmwa kpa, sokpan ghẹ ruẹ gberra egbe. Ọ ma khẹke ne emwa ni danmwehọ ruẹ ya ruẹ ye ughe, ne iran gha te ya rhie ekhọe ye ẹmwẹ ne u ta. Loo urhu nọ rhiẹnrhiẹn, ne u ya rhiẹre ma wẹẹ u hoẹmwẹ emwa ni danmwehọ ruẹ.