Osi
Osi zẹdia si ruẹ ra, rhunmwuda ọlọghọmwa ne ogue, ohanmwẹ ra a i miẹn ehe dia gha sẹtin si ra?
Itan 10:15; 19:7; 30:8
Igiemwi ni rre Baibol ni gha sẹtin ru iyobọ nuẹn:
Eve 3:19—Akhasẹ ighẹ e Jerimaia kevbe ivbi ẹvbo ẹre nibun ma ghi gha mwẹ owa mwẹ odẹ, vbe a ghi guọghọ e Jerusalẹm rua nẹ
2 Kọr 8:1, 2; 11:27—Ivbiogue sẹlẹkẹ ẹre Ivbi Otu e Kristi ni ghaa rre Masẹdonia ghaa khin; ẹghẹ eso vbe gha rrọọ ne ukọ e Pọl ma ya miẹn evbare re, nọ ma ya miẹn ukpọn rhuan, nọ ma vbe ya miẹn ehe dia
Ako eso vbe Baibol ni gha sẹtin fu ruẹ ẹko rre:
Psm 37:25; 145:15; Itan 10:3; Mat 6:25-34
Vbe ya ghee Diut 24:19
Osi zẹdia si ruẹ rhunmwuda u mu ohan wẹẹ, u i khian miẹn ọmwa ne u khian gu ru ọse, ra nọ khian ya egbe rhorho ruẹ, ra nọ khian hoẹmwẹ ruẹ ra?
Job 19:19; Asan 4:10, 12
Igiemwi ni rre Baibol ni gha sẹtin ru iyobọ nuẹn:
1 Ọba 18:22; 19:9, 10—Akhasẹ ighẹ Ẹlaija kegha roro ẹre wẹẹ, irẹn ọkpa ẹre ọ ghi kẹ vbe uwu eguọmwadia e Jehova hia ni ya ẹkoata gae
Jer 15:16-21—Akhasẹ ighẹ e Jerimaia kegha roro ẹre wẹẹ, irẹn ma gua usun ro, rhunmwuda ne emwa na gi iwinna orhiẹnrhiẹn agbọn mu iran, ne iran gha te ya danmwehọ ẹmwẹ ne irẹn ya gha kporhu
Ako eso vbe Baibol ni gha sẹtin fu ruẹ ẹko rre:
Psm 25:15, 16; 1 Pit 5:7
Okha eso vbe Baibol ni gha sẹtin fu ruẹ ẹko rre:
1 Ọba 19:1-19—E Jehova keghi kpemehe ne akhasẹ ighẹ Ẹlaija, ọ na rhie ehọ nẹẹn ta yi zẹvbe nọ ya gha ta emwi nọ dae vbe orhiọn; e Jehova na vbe ru emwi eso nọ ya gi ẹre rẹn wẹẹ, Osa nọ mwẹ ẹtin ẹre irẹn khin
Jọn 16:32, 33—Jesu rẹnrẹn wẹẹ, erhuanegbe irẹn gha sẹ irẹn rae, sokpan, osi ma gha si ẹre, rhunmwuda, ọ rẹnrẹn wẹẹ, e Jehova gu irẹn rrọọ